قازاقستاندىق پەداگوگتار مەن مەديتسينا قىزمەتكەرلەرى يزرايلدە تاعىلىمدامادان وتۋگە مۇمكىندىك الدى
قۇجاتقا ح ب و ا ق پرەزيدەنتى گاني نىگىمەتوۆ پەن تاۋ پرەزيدەنتى يوسيف كلافتەر قول قويدى.
حالىقارالىق باعدارلامالار ورتالىعى باسپا ءسوز قىزمەتىنىڭ حابارلاۋىنشا، مەموراندۋم ماقساتى ءبىلىم سالاسىنداعى حالىقارالىق ىنتىماقتاستىقتى دامىتۋ، ونىڭ ىشىندە ءوزارا قىزىعۋشىلىق تانىتاتىن ماسەلەلەر بويىنشا ح ب و ا ق جانە ت ا ۋ اراسىندا قىزمەتتى ورناتۋ جانە ىقپال ەتۋ بولىپ تابىلادى. اتاپ ايتقاندا، سەرىكتەستىك شەڭبەرىندە يزرايلگە قازاقستاننان عىلىمي، پەداگوگ جانە مەديتسينا قىزمەتكەرلەرىنىڭ تاعىلىمدامادان ءوتۋى بويىنشا قىسقا مەرزىمدى وقۋ باعدارلامالارى ۇيىمداستىرىلادى، سونداي-اق كۋرستار، سەمينارلار، ترەنينگتەر مەن ءبىلىم سالاسىنداعى يزرايل تاجىريبەسىن زەردەلەۋ بويىنشا ماستەر- كلاستار وتكىزىلەدى دەپ كۇتىلۋدە.
مەموراندۋمعا قول قويۋ تانىستىرۋى استانادا قازاقستان مەن يزرايل ىسكەرلەر مەن عالىمدار ورتاسى وكىلدەرىنىڭ قاتىسۋىمەن وتكىزىلگەن قازاقستان رەسپۋبليكاسىنداعى تاۋ دوستارى قاۋىمداستىعىمەن ۇيىمداستىرىلعان.
قول قويۋ ءراسىمىنىڭ قاتىسۋشىلارى مەموراندۋم شەڭبەرىندە ءوزارا ءىس- قيمىلدىڭ ۇلكەن پەرسپەكتيۆالارىن اتاپ ءوتتى. بۇگىنگى كۇنى تاۋ الەمدىك دەڭگەيدەگى يننوۆاتسيالىق كاسىپكەرلىك جوعارى وقۋ ورنى بولىپ تابىلادى. ت ا ۋ- دىڭ يننوۆاتسيالار جانە كاسىپكەرلىك ورتالىعى يزرايل ۇكىمەتىمەن تىعىز بايلانىستا، الەمنىڭ باسقا دا ينستيتۋتتارىمەن جانە زەرتتەۋ ورتالىقتارىمەن، ونەركاسىپتىك كومپانيالارىمەن ىنتىماقتاستىقتا. ت ا ۋ- دا سونىمەن قاتار Ramot كوممەرتسياليزاتسيا كەڭسەسى مەن StarTAU كاسىپكەرلىك ورتالىعى ارەكەت ەتەدى.
