08:33, 31 - مامىر 2016 | GMT +5
پاۆلوداردا كولىك تەرەزەسىنەن اياعىن سىرتقا شىعارىپ جۇرگەن قىز ايىپپۇل تولەيدى
استانا. قازاقپارات - پاۆلوداردا وسىدان ءبىر اپتا بۇرىن لەرمونتوۆ كوشەسى بويىمەن كەلە جاتقان لەكسۋس اۆتوكولىگىنىڭ يەسى قاسىنداعى جولاۋشىسىنىڭ كولىك تەرەزەسىنەن اياعىن شىعارىپ قويعانى ءۇشىن 5 ايلىق ەسەپتىك كورسەتكىش كولەمىندە(10 مىڭ تەڭگە كولەمىندە - رەد.) ايىپپۇل تولەۋى مۇمكىن، دەپ حابارلايدى pavlodarnews.kz.
«كولىك يەسىنە قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 593-بابى، 1 -تارماعى - «جولاۋشىلاردى تاسىمالداۋ ەرەجەسىن بۇزۋ» بويىنشا اكىمشىلىك ءوندىرىس قوزعالدى»، - دەپ وبلىستىق ءى ءى د- نىڭ باسپا ءسوز قىزمەتى تۇسىنىكتەمە بەردى.
ەستەرىڭىزگە سالا كەتسەك، «ءتارتىپسىز جۇرگىزۋشى» ايدارىنا اتالمىش ۆيدەونى وقيعاعا كۋا بولعان ازامات جىبەردى.
