بەتىڭىزدەگى بورتپە نەنى بىلدىرەدى؟
يەكتەگى بورتپە
ەگەر كوپ جاعدايدا بەزەۋدى بەتتىڭ تومەنگى جاعىنان نەمەسە تومەنگى جاق سىزىعىنان بايقاساڭىز، مىندەتتى تۇردە ەندوكرينولوگقا قارالىڭىز. قالقانشا بەزدەگى جۇمىستىڭ اۋىتقۋى جانە گارموندى تەڭگەرىمسىزدىك بەتتە وسى جاعىمسىز جولمەن كورىنەدى.
سامايداعى بورتپە
ەگەر بەزەۋلەر مەن بورتپەلەر سامايعا كوپ شىقسا، تەرىنىڭ قۇرعاپ كەتكەندىگىن بىلدىرەدى. سوندىقتان، سۋدى كوپ مولشەردە ءىشىڭىز.
ماڭدايداعى بورتپە
ماڭدايعا بورتپەنىڭ كوپ شىعۋىنا شاشقا ارنالعان ساپاسىز سۋسابىن مەن بالزام كىنالى. سەبەبى ولار تەرىگە ءتيىپ، ۇساق تەسىكتەرگە كىرىپ كەتەدى. ەكىنشى سەبەپ - بەتكە جاققان بوياۋدى دۇرىس كەتىرمەۋ. ءۇشىنشى سەبەپ - سكرابتاردى مولشەردەن تىس كوپ پايدالانۋ. سەبەبى، ولاردى كوپ قولدانعان جاعدايدا تەرىنىڭ قورعاۋشى قاباتىن بۇزادى.
ەرىن اينالاسىنداعى بورتپە
ەر ەگەر ەرىن اينالاسىنا بورتپە كوپ شىعا بەرسە، ءتاتتى جانە مايلى تاعام مولشەرىن ازايتىڭىز. اسقازانىڭىز وسىنداي جولمەن سىزگە بەلگى بەرىپ تۇر.
جاقتاعى بورتپە
جاقتاعى بورتپە جاعىڭىزدى تايانىپ (قولىڭىزدى سۇيەنىپ) وتىرعاننان نەمەسە ۇيالى تەلەفونمەن ۇزاق سويلەسۋدەن بولادى. سوندىقتان قولعا ارنالعان انتي باكتەريالىق سپرەي الىڭىز.
ت- زوناداعى بورتپە
ت- زوناداعى بورتپە جۇقارعان جۇيكەنىڭ (كۇيزەلىس، ۇيقىنىڭ قانباۋى جانە ت. ب) تىكەلەي كورىنىسى. سوندىقتان دەمالىس الۋعا تىرىسىڭىز نەمەسە تۇنىمەن ينتەرنەت جەلىسىندە وتىرۋدان باس تارتىڭىز.
