قازاقستاندا جۇرگىزۋشى كۋالىگىن بەرۋ مەن ەمتيحان تاپسىرۋ ەرەجەلەرى وزگەردى
بۇل تۋرالى Zakon.kz حابارلايدى.
وعان سايكەس، «جول قوزعالىسى» تۋرالى زاڭنىڭ 74- بابىندا بەكىتىلگەن جاسقا جەتكەن تۇلعالار ەمتيحان تاپسىرۋعا جىبەرىلەدى. بۇل زاڭ اياسىندا كولىك جۇرگىزۋ قۇقىعى كەلەسىلەرگە بەرىلەدى:
- «A1» سانات ىشىندەگى كولىك قۇرالدارى - 16 جاسقا تولعان تۇلعالارعا؛
- «А» «В»ساناتىنا جانە «B1»، «C1» سانات ىشىندەگىلەرىنە جاتاتىن كولىك قۇرالدارى - 18 جاسقا تولعان تۇلعالارعا؛
- «C» ساناتىنا جانە «D1» سانات ىشىندەگىسىنە جاتاتىن كولىك قۇرالدارى - جيىرما جاسقا تولعان، كەمىندە ءۇش جىل كولىك جۇرگىزۋشى رەتىندە قىزمەت ەتكەن جانە «C1» ساناتىنداعى كولىكتەردى جۇرگىزۋدە كەمىندە ءبىر جىلدىق تاجىريبەسى بار تۇلعالارعا؛
- «D»، «Тm» және «Tb» ساناتىنداعى كولىك قۇرالدارى - جيىرما جاسقا تولعان، كەمىندە بەس جىل كولىك جۇرگىزۋشى رەتىندە قىزمەت ەتكەن، «D1» ساناتىنداعى كولىكتەردى جۇرگىزۋدە كەمىندە ءۇش جىلدىق تاجىريبەسى بار تۇلعالارعا؛
- «BE», «СЕ», «DE» ساناتىنداعى كولىك قۇرالدارى قۇرامى - كەمىندە ون ەكى ايعا «В», «С» نەمەسە «D» ساناتىنداعى كولىكتەردى باسقارۋ قۇقىنا يە تۇلعالار؛
- «BE», «СЕ», «DE» سانات ىشىندەگى كولىك قۇرالدارى قۇرامى - كەمىندە ون ەكى ايعا، سايكەسىنشە «С», «D» ساناتىنداعى نەمەسە «C1» ، «D1» سانات ىشىندەگى كولىكتەردى باسقارۋ قۇقىنا يە تۇلعالار؛
№ 083/у فورماسىنداعى مەديتسينالىق انىقتامانى، كولىك جۇرگىزۋشىلەرىن دايىنداۋعا ارنالعان وقۋ ۇيىمدارىنان الىنعان كۋرستى اياقتاۋ تۋرالى كۋالىكتى اكەلۋ كەرەك.
وسى ورايدا، كۋرستى اياقتاۋ تۋرالى كۋالىكتەردى «А», «В» ساناتىنداعى جانە «A1»، «B1» سانات ىشىندەگى كولىك قۇرالدارىن باسقارۋ ءۇشىن وزدىگىنەن دايىندالعان تۇلعالار اكەلمەسە دە بولادى.
«А», «В» ساناتىنداعى جانە «A1»، «B1» سانات ىشىندەگى كولىك قۇرالدارىن باسقارۋ ءۇشىن وزدىگىنەن دايىندالعان تۇلعالار مەملەكەتتىك كورپوراتسياداعى قۇزىرلى مەكەمەلەردە ەمتيحان تاپسىرادى.
شەتەل ازاماتتارى، ازاماتتىعى جوق تۇلعالار جانە مەملەكەتتىك نەمەسە ورىس ءتىلىن بىلمەيتىن وزگە تۇلعالار تەوريالىق ەمتيحاندى بىلىكتى اۋدارماشىلاردىڭ كوزىنشە تاپسىرادى. اۋدارماشىلارعا قاتىستى مالىمەتتەر ەمتيحان كوميسسياسىنىڭ حاتتاماسىنا ەنگىزىلەدى.
بۇيرىق العاش رەسمي جاريالانعان كۇنىنەن باستاپ، 10 تاۋلىكتىڭ ىشىندە كۇشىنە ەنەدى.
