استانادا «ادەبيەت الەمىندەگى ايەل جۇرەگى» اتتى شىعارماشىلىق كەش وتەدى
بۇل تۋرالى ۇلتتىق اكادەميالىق كىتاپحانانىڭ باسپا ءسوز قىزمەتى حابارلادى.
وندا ق ر جازۋشىلار وداعىنىڭ مۇشەسى، جازۋشى-جۋرناليست، رەسپۋبليكالىق «جۇلدىز» جۋرنالىنىڭ ءبولىم مەڭگەرۋشىسى، قازاقستان جازۋشىلار وداعىنىڭ ع. مۇستافين اتىنداعى ادەبي سىيلىعىنىڭ يەگەرى، سوروس زاماناۋي ونەر ورتالىعىنىڭ، ە ق ى ۇ جابىق بايگەلەرىنىڭ جۇلدەگەرى، «تۇنگى وتتار»، «ەكىگە بولىنبەيتىن كەلىنشەك»، «ءسىز ىزدەگەن ادام»، «ۇلتىن سۇيگەن ۇلىلار» اتتى پروزالىق كىتاپتاردىڭ اۆتورى زاريا جۇمانوۆا جانە فيلولوگيا عىلىمدارىنىڭ كانديداتى، ماحامبەت اتىنداعى سىيلىقتىڭ يەگەرى، اقىن، ادەبيەت سىنشىسى، «قيعاشتىڭ قارلىعاشى»، «اقبوتا كۇندى اڭساۋمەن»، «ارداقتىم»، «اللاجار»، «دارا»، «ەسەنعالي راۋشانوۆتىڭ پوەزياسى» اتتى جىر جيناقتارى مەن مونوگرافيالاردىڭ اۆتورى گۇلزادا نيەتقاليەۆا وقىرماندارىمەن كەزدەسەدى.
شاراعا قوعام قايراتكەرلەرى، زيالى قاۋىم وكىلدەرى، اقىن-جازۋشىلار، جىر سۇيەر قاۋىم مەن ب ا ق وكىلدەرى قاتىسادى.
