گ. ءابدىقالىقوۆا بىرىككەن اراب امىرلىكتەرى فەدەرالدىق ۇلتتىق كەڭەسىنىڭ ءتورايىمى ءامال ءال- كۋبەيسيمەن كەزدەستى - فوتو
«ءسىزدىڭ ۇلكەن دەلەگاتسيامەن كەلۋىڭىز ءبىزدىڭ ەلدەرىمىز اراسىنداعى قارىم- قاتىناستىڭ جوعارى دەڭگەيىن كورسەتەدى. قازاقستان پرەزيدەنتى نۇرسۇلتان نازاربايەۆ پەن امىرلىكتەر شەيحى حاليفا بەن زايد ال ناھانياننىڭ اراسىنداعى مىعىم دوستىق پەن ىسكەرلىك ءبىزدىڭ ىنتىماقتاستىعىمىزدى ودان ءارى دامىتۋعا مىعىم نەگىز قالايدى»، - دەدى كەزدەسۋ بارىسىندا گ. ءابدىقالىقوۆا.
تاراپتار ىنتىماقتاستىقتىڭ ءتۇرلى سالالارىنداعى بىرلەسكەن جوبالاردىڭ تابىستى ىسكە اسىرىلۋى ماسەلەلەرىن تالقىلادى. ولاردىڭ قاتارىندا ەلورداداعى ءابۋ دابي پلازا كوپ فۋنكتسيونالدى كەشەنىنىڭ قۇرىلىسى، ت م د جانە قازاقستان اۋماعىندا العاش قىزمەتىن باستاعان «ءال- حيلال» يسلام بانكى جانە «فالاح» بىرلەسكەن ينۆەستيتسيالىق قورى جايىنداعى ماسەلەلەر بار.
گ. ءابدىقالىقوۆا ەلباسى ن. نازاربايەۆتىڭ 2017 - جىلى استانا قالاسىندا يسلام ىنتىماقتاستىعى ۇيىمىنىڭ عىلىم جانە تەحنولوگيا جونىندەگى سامميتىن وتكىزۋ تۋرالى باستاماسىنا ءابۋ دابيدىڭ قولداۋ كورسەتەتىندىگىنە ءۇمىت ارتتى. سونىمەن قاتار ول امىرلىك تارابىن ەلوردادا وتەتىن «ەكسپو 2017» حالىقارالىق مامانداندىرىلعان كورمەسىنە قاتىسۋعا شاقىردى.
كەزدەسۋ سوڭىندا ق ر مەملەكەتتىك حاتشىسى ب ا ءا فەدەرالدىق ۇلتتىق كەڭەسىنىڭ ءتورايىمىن الداعى بارشا مۇسىلمان ءۇشىن قاسيەتتى رامازان ايىمەن قۇتتىقتاپ، ەكى ەل اراسىنداعى ديالوگتى نىعايتۋعا قوسقان ۇلەسى ءۇشىن ريزاشىلىق ءبىلدىردى.
