مارستا مۇز ءداۋىرى اياقتالعان - عالىمدار

استانا. قازاقپارات - امەريكانىڭ بوۋلدەردەگى وڭتۇستىك- شىعىس زەرتتەۋ ينستيتۋتىنىڭ عالىمدارى Mars Reconnaissance Orbiter پلانەتا ارالىق ستانساسىنان جىبەرىلگەن اقپاراتتاردى ساراپتاپ شىقتى.

 زەرتتەۋ ناتيجەسى Science جۋرنالىندا جاريالاندى، دەپ جازادى nat-geo.ru.

 كومپيۋتەرلىك مودەلدەۋدىڭ كومەگىمەن مۇزدار جىلجۋىن بايقاعان عالىمدار مارستا مۇز ءداۋىرى شامامەن 375-400 مىڭ جىل بۇرىن اياقتالعانىن انىقتادى. جەرگە قاراعاندا، قىزىل پلانەتانىڭ پوليۋستەرىندەگى تەمپەراتۋرا بۇل كەزدە ورتاشا كورسەتكىشتەن جوعارى بولعان.

 مارس پوليۋستەرىندە (اسىرەسە سولتۇستىك) مۇزداردىڭ جىلجۋى كەزىندە 87 مىڭ تەكشە شاقىرىمنان استام مۇز جيناقتالعان.

 قازىر پلانەتا «ەرىپ جاتىر» - بىرتىندەپ مۇز داۋىرىنەن شىعىپ كەلەدى. بۇعان جۋىردا بايقالعان قىزىل پلانەتا بەتىندەگى سۋدىڭ اعۋىنىڭ ىزدەرى دالەل بولا الادى.