تانىمال ساتيريك اكتەر ون جىل بۇرىن اجىراسىپ كەتكەن ايەلىنە قوسىلدى
مەملەكەت قايراتكەرى، «ەكى ەزۋ» تەاترىنىڭ ءارتيسى نۇرلىبەك جۇباتقان ەشكىمگە ايتپاعان قۇپيالارىن NUR. KZ پورتالىنا جايىپ سالدى.
«اكە- شەشەم، باۋىرىم، كەلىنىم، بالالارىم، تاعى ءبىر ءىنىم ءبارىمىز بىرگە تۇرامىز. نەگىزىنەن مەن ەكى رەت وتباسى قۇردىم. بىرىنشىسىندە جاس بولدىق پا، قىز ورىسقولدىلاۋ بولدى ما، جاراسا المادىق. ەكىنشى رەت قازاقى دەپ قىزىلوردانىڭ قىزىنا ۇيلەندىم. التى ايدان كەيىن اجىراسىپ كەتتىك. ونىڭ ءوزى ءبىر قىزىق نارسە بولدى»، - دەگەن نۇرلىبەك جۇباتقان وتباسى قۇرعان كەزىن ەسىنە الدى.
«2003 -جىلى ەكىنشى رەت ۇيلەنگەنىمدە، «ەكى ەزۋدىڭ» ناعىز كوتەرىلىپ جاتقان ءساتى ەدى. جاس تەاتردى رەسپۋبليكاعا تانىتامىن دەپ كوك تەر بولىپ جۇرگەن كەزىم. ال ول قىز بالا جاس بولدى. اقتوبەگە وقۋعا كەلگەن. ونىمەن جەڭگەم تانىستىردى. وقۋعا تۇسە الماي قالعاننان كەيىن كافەدە جۇمىس جاساعان. ۇيدەگىلەر «كەلىن اكەل» دەپ وتىرعاسىن، اسىعىپ ۇيلەنىپ الدىق. ول جاس بولعاننان كەيىن مەن وتباسىعا كوڭىل اۋدارۋ كەرەكپىن. ال مەنىڭ ەسىل- دەرتىم تەاتر بولدى. ۇيدە ءبىر كۇن بولىپ، ون كۇنگە جوعالىپ كەتەمىن. ول قينالدى. مەنى جۇرت اقىماق دەسىن، نە دەسە دە ونەردى ءبىرىنشى جولعا قويامىن»، - دەگەن ول شىعارماشىلىق ادامىنىڭ مىنەزى باسقاشا بولاتىنىن ايتتى.
35 جاسىندا 20 جاستاعى قىزبەن كوڭىل قوسقان ساتيريك ۇزاق تۇرا الماعان.
«ونىمەن ەشقانداي ۇرىس، توبەلەس بولعان جوق. اتا-اناسىن شاقىرىپ سويلەستىم. «مەنىڭ قازىر ەشقانداي مۇمكىندىگىم بولماي جاتىر. وتباسىن، بولماسا تەاتردى كوتەرۋىم كەرەك. شارۋامدى ءبىر جاعىنا شىعارىپ الايىن. وتباسىلىق ءومىردى ون جىلعا دەيىن توقتاتايىقشى» دەپ كەلىستىك. ەشقانداي ۇرىسسىز، شاي ءىشىپ وتىرىپ ايتتىق. ون جىلعا دەيىن ءبىر-ءبىرىمىزدى مازالامايىق دەستىك. ول سول كەزدە ۇيدەن اتا-اناسىمەن بىرگە كەتىپ قالدى»، - دەيدى ساتيريك.
مۇنداي جاڭالىقتى ەستىگەن ايەلى ەسەڭگىرەپ قالعان.
«ونى ارتىنان سويلەسكەندە ايتىپ جاتىر. مەنىڭ ايتقانىم ونىڭ توبەسىنەن جاي تۇسىرگەندەي قىلعان. «نە قاتە جاسادىم؟» دەپ ويلانعان، ونەر ادامدارىن زەرتتەگەن. «ونەر ادامىنا تىنىشتىق كەرەك، سالماق سالماۋ كەرەك ەكەن» دەپ ايتىپ وتىر. «ون جىلدان كەيىن بوسقا جەلكىلدەپ جەتىپ بارمايىن» دەپ وقۋعا تۇسكەن. جۇمىس جاساپ ءجۇرىپ، ونىڭ دا اقشاسىن ءوزى تولەگەن. مەن ونى اۋىلىنا كەتىپ قالعان شىعار دەپ ويلادىم. سويتسەم، ول اۋىلىنا بارماي قالعان. ەلدىڭ بەتىنە كورىنۋگە ۇيالعان. بەس جىل وقىپ مۇعالىمدىك بىتىرگەن. ديپلومىن الىپ، جۇمىسقا تۇرعان، مەكتەپتە ادىسكەر بولىپ جۇمىس ىستەيدى»، - دەيدى ايەلىنىڭ جەتىستىكتەرىنە ريزا بولعان ول.
ءۇيىن الىپ، جاعدايىن جاساپ العان كەلىنشەكتىڭ ءوزى ساتيريككە ءبىرىنشى بولىپ حابارلاسادى.
«ون جىلدان كەيىن ماعان «سەن حابارلاسايىق دەپ ايتقانسىڭ» دەپ حابارلاسىپ تۇر. تاڭ قالدىم، قۋاندىم، تۇرمىسقا دا شىقپاعان، ون جىل مەنى كۇتىپ جۇرگەن. ون جىل بويى اقتوبەدە جۇرگەن. ءبىر كورگەن جوقپىن. تەاترعا دا كەلگەن، ءوزىن كورسەتپەگەن. ون جىلدان كەيىن ءوزى مەنى «mail.ru» ارقىلى پوشتامەن تاۋىپ الدى. «مەنى تانيسىڭ با؟» دەپ حابارلاما جازىپ جىبەرگەن. سوسىن سۋرەتىن سالعاندا «ويباي» دەدىم. «قايداسىڭ» دەپ جالما-جان ءحالىن سۇراپ جاتىرمىن. ول اۋىلىنا تەك ءتورت جىل بۇرىن اكەسى قايتىس بولعاندا بارعان ەكەن»، - دەيدى نۇرلىبەك جۇباتقان.
ءوز تاعدىرىمەن ويناعان ساتيريك ەشتەڭەدەن قۇر قالدىم دەپ ويلامايدى.
«مۇنداي تاعدىر ەشكىمدە بولمايتىن شىعار. ءبىز ءىسساپارلاپ قاڭعىپ جۇرەمىز. ول «نەگە كەتە بەرەسىڭ» دەپ جىلايتىن. ماشينامىز بۇزىلىپ كەلگەندە «سەن جىلاپ، جولىمدى كەستىڭ» دەپ مەن سودان كورەمىن. شاققا قۇرعان تەاترىمدى جوعالتىپ الامىن دەپ قورىقتىم. مەن ءوز تاعدىرىممەن ويناعانىمدى تۇسىنەمىن. ءبىراق بىردەڭەدەن ۇتىلىپ، قۇر قالدىم دەپ ويلامايمىن. مەن ونىڭ كۇتەتىنىن ءبىلدىم. قىزىلوردانىڭ قىزى بولعان سوڭ سەنىمدى عوي»، - دەيدى ول كۇلىپ.
ساتيريك ءوز ەرەكشەلىگىن «ناعىشىمنىڭ قانىنان تاراعان قاسيەت» دەپ ازىلدەدى.
«مەن ناعاشىما ۇقساعانمىن. ول دا 50 جاسىندا ۇيلەنگەن. ول ەلۋىندە وتباسىن قۇرىپ، ەكى بالالى بولعان. مەن دە ەلۋگە جاقىنداپ قالدىم، ەكى جىل قالدى. قازىر باۋىرىما باسقان ۇلىم بار. كەلىنىم تۋعان بويدان «كوكە، مىناۋ ءسىزدىڭ بالاڭىز» دەپ ماعان بەردى. ول ودان كەيىن ونى ەمىزگەن دە جوق. شەشەم ەمىزدى، باقتى»، - دەدى بار سىرىن جايىپ سالعان ساتيريك.
«كوپ جەرگە قىسىلىپ، قوناققا بارا المايتىن ەدىم. جولداسىڭ بولماعان سوڭ ىڭعايسىز. قازىر قوناققا بىرگە بارىپ ءجۇرمىز. جۇرتتىڭ ءبارى «مىناۋ كىم؟» دەپ سۇرايدى. ەندى ۇيگە اپارعىم كەلىپ وتىر. وتباسى قۇرعىمىز كەلەدى. جىلدا قازالىعا كونسەرت قويىپ بارعاندا ۇيىنەن ادامدار كەلە مە ەكەن دەپ قارايمىن. ەشكىمنەن اقپارات الا الماي كەتەتىن ەدىم. ۇيدەگىلەر «سەنىڭ كەلىنشەگىڭ پىسىق وقۋىن وقىپ، جۇمىسىنا تۇرىپ، ۇيىنە دەيىن الىپ العان» دەپ كۇلەدى. مەنىڭ تاعدىرىم وسى. مۇنى ەشكىم قايتالامايتىن شىعار»، - دەدى نۇرلىبەك جۇباتقان.
بيىل تانيمال ساتيريكتىڭ شاڭىراعىندا ۇلكەن توي.
