قازاقستاندىق فۋتبولشى ۇلىنىڭ تۋعان كۇنىن «جۇلدىزدار سوعىسى» ستيلىندە تويلادى

استانا. قازاقپارات قازاقستاندىق ايگىلى فۋتبولشى سامات سماقوۆتىڭ ۇلى المگەردىڭ سەگىز جاسقا تولعان تۋعان كۇنى فانتاستيكالىق «جۇلدىزدار سوعىسى» كەيىپكەرلەرىمەن بىرگە اتالىپ ءوتىلدى.

بۇل تۋرالى الەۋمەتتىك جەلىدە ايتىلعان. «ماقتانىشىم مەنىڭ، قۋانىشىم مەنىڭ! تۋعان كۇنىڭمەن! سەنىڭ بارلىق تىلەكتەرىڭ ورىندالسىن!»، - دەپ جازادى قازاقستاندىق فۋتبول جۇلدىزى ءوزىنىڭ ينستاگرامداعى پاراقشاسىندا.

 ايتا كەتەيىك، 37 جاستاعى سامات سماقوۆ ەلىمىزدەگى ارداگەر فۋتبولشىنىڭ ءبىرى، ول قازىرگى كۇنى قازاقستان ۇلتتىق قۇراماسىنىڭ جانە «اقتوبە» فۋتبول كلۋبىنىڭ كاپيتانى. قازاقستان فۋتبولىنداعى بىرنەشە دۇركىن چەمپيون، جىل فۋتبولشىسى اتاقتارىنىڭ يەسى س. سماقوۆتىڭ المگەردەن باسقا ساميرا ەسىمدى قىزى مەن دانيار اتتى ۇلى بار.