فۋتبولدان مەكسيكا قۇراماسىنىڭ شابۋىلشىسىن ۇرلاپ كەتتى

 استانا. قازاقپارات - فۋتبولدان مەكسيكا قۇراماسىنىڭ جانە گرەكتىڭ «وليمپياكوسا» كومانداسىنىڭ شابۋىلشىسى الان پۋليدونى ۇرلاپ كەتتى، دەپ حابارلايدى ر ي ا نوۆوستي.

The Sun باسلىمىنىڭ دەرەكتەرىنە قاراعاندا، 25 جاستاعى شابۋىلشى سەنبى كۇنى سيۋداد- ۆيكتوريا قالاشىعىندا ۇرلانعان. فۋتبولشى ءوزىنىڭ قۇربىسىمەن بىرگە كەشكى وتىرىستان قايتىپ كەلە جاتقاندا ونىڭ اۆتوموبيلىن بىرنەشە جۇك ماشيناسى قورشاپ، جولىن بوگەگەن دە، بەتىن بۇركەمەلەگەن التى ادام پۋليدونى كۇشپەن شىعارىپ، بەلگىسىز جاققا الىپ كەتكەن. ال فۋتبولشىنىڭ قىزىنا تيىسپەگەن.

 «ءيا، بۇل شىندىق. ول سەنبى كۇنى تاڭەرتەڭ جوعالدى. ءبىز بيلىك تاراپىنان كومەك كۇتۋدەمىز»، - دەدى سپورتشىنىڭ اعاسى ارماندو.

پۋليدو وتكەن ماۋسىمدا «وليمپياكوسا» قۇرامىندا گرەكيا چەمپيونى اتانعان ەدى.