08:22, 30 - مامىر 2016 | GMT +5
التى دۇركىن پاراليمپيادا چەمپيونى بريتاندىق دەۆيد ۋير الەمدىك رەكوردتى جاڭارتتى
استانا. قازاقپارات - التى دۇركىن پاراليمپيادا چەمپيونى بريتاندىق دەۆيد ۋير اربامەن ءبىر ميلدىك قاشىقتىقتى نەبارى ءۇش مينۋتقا جەتپەيتىن ۋاقىت ىشىندە باعىندىرىپ، الەمدىك رەكوردتى جاڭارتتى.
سپورتشى لوندوندا وتكەن جارىستا 2 مينۋت 57 سەكۋند ۋاقىت كورسەتكىشپەن مارە سىزىعىن ءبىرىنشى بولىپ قيدى. وسىلايشا ول بۇرىنعى ءوز ناتيجەسىنەن التى سەكۋندقا اسىپ ءتۇستى، دەپ حابارلايدى Associated Press.
«مەن ءارقاشاندا مۇنى جاساي الامىن دەپ ايتۋشى ەدىم. مەن بۇلاي بولۋى مۇمكىن ەكەندىگىن بىلگەنمىن. سوندىقتان جاتتىعۋ كەزىندە بار كۇشىمدى سارقا جۇمساۋعا تىرىستىم»، - دەدى ۋير.
ۋير لوندون مارافونىندا التى رەت جەڭىمپاز اتاندى. 36 جاسار سپورتشى بريتان يمپەرياسى وردەنىنىڭ يەگەرى.
