سولتۇستىك كورەيادا زىمىراندى ۇشىرۋ ءساتسىز اياقتالدى
بۇل تۋرالى بي- بي- سي جازادى.
مينيسترلىك ك ح د ر ۇشىرۋى مۇمكىن زىمىراننىڭ ءتيپى تۋرالى مالىمەت ايتۋدان باس تارتتى.
ءبىراق وڭتۇستىك كورەيالىق يونحاپ اقپاراتتىق اگەنتتىگى اتى اتالماعان اسكەري دەرەككوزدەرگە سىلتەمەمەن سىنالعان زىمىران ورتاشا قاشىقتىققا ۇشاتىن «مۋسۋدان» ءتيپتى زىمىران ەكەندىگىن حابارلاپ وتىر.
سولتۇستىك كورەيادا ءساۋىر ايىندا ءۇش رەت وسىنداي زىمىرانداردى ۇشىرۋ ارەكەتى ءساتسىز اياقتالعان. پحەنيان «مۋسۋداندى» بىردە- ءبىر رەت ءساتتى ۇشىرا الماعان.
ب ۇ ۇ- نىڭ قارارى سولتۇستىك كورەياعا كەز كەلگەن بالليستيكالىق زىمىراندى پايدالانۋعا تىيىم سالادى. سوعان قاراماستان، ك ح د ر ەلدىڭ شىعىس جاعالاۋىنان تەڭىزگە قاراي قىسقا قاشىقتىققا ۇشاتىن زىمىرانداردى ۇنەمى ۇشىرىپ وتىر.
قاڭتاردا پحەنيان سۋتەكتى بومبانىڭ سىناعىن ءساتتى وتكىزگەنىن مالىمدەدى. بۇل ەلگە قارسى جاڭا سانكسيالاردى ەنگىزۋدىڭ ءبىر سەبەبى بولدى.
