16:40, 29 - مامىر 2016 | GMT +5
اكەسىنىڭ اۆتوموبيلىن ۇرلاپ، دۇكەن عيماراتىن قيراتتى
استانا. قازاقپارات - رەسەيدىڭ سىزران قالاسىندا 17 جاستاعى بوزبالا ءوز اكەسىنىڭ كولىگىن ۇرلاۋدا كۇدىكتى دەپ تانىلدى.
جاسوسپىرىم Lifan X50 شەتەلدىك اۆتوموبيلدى ءمىنىپ قىدىرماق بولعان.
ناتيجەسىندە اۋرۋحانا توسەگىنەن ءبىر-اق شىقتى.
جاس جۇرگىزۋشى رۋلگە يە بولا الماي، كامەنولومنوي كوشەسىنە ورنالاسقان دۇكەن عيماراتىنا سوققان. وقيعا ورنىنا كەلگەن قۇقىق قورعاۋشىلار العاشقى كومەك كورسەتتى، ارتىنشا ول ءتۇرلى جاراقاتتارمەن اۋرۋحاناعا جاتقىزىلدى.
تەكسەرە كەلگەندە، كولىكتىڭ يەسى بوزبالانىڭ اكەسى بولىپ شىقتى. الدىن الا بەلگىلى بولعانى، جاسوسپىرىم كىلتتى رۇقساتسىز العان.
