الماتىدا سپورت فەستيۆالى اشىلدى - فوتو

الماتى. قازاقپارات - الماتىدا حالقارالىق وليمپيادا كۇنىنە وراي سپورت فەستيۆالى اشىلدى.

بۇگىن «سپورتتىق الماتى» باعدارلاماسى اياسىندا بۇقارالىق سپورتتى دارىپتەۋگە باعىتتالعان ۆەلوشەرۋ ءوتتى.

ۆەلوسيپەدشىلەر توبى جاڭا مارشرۋت بويىنشا ءتىزىلدى. سورە سىزىعى ادەتتەگىدەي «نۇرلى- تاۋ» بيزنەس ورتالىعىنان باستالىپ شىعىس اينالما جولىمەن گوركيي اتىنداعى ورتالىق مادەنيەت جانە دەمالىس ساياباعىندا تۇيىقتالدى.

فينيشتە ۆەلوسيپەد قوزعالىسىنىڭ جاقتاستارى اۋىر اتلەتيكا، قول كۇرەسى، workout، كروسسفيت، تريكينگ، strongman, armLifting سىندى سپورت تۇرلەرىنەن سايىستارعا قاتىستى. سونداي- اق، كەلۋشىلەر ارنايى اشىلعان جارمەڭكەدە ساپالى سپورتتىق كيىم، قۇرال- جابدىق، ادام دەنساۋلىعىنا پايدالى ازىق- تۇلىك ونىمدەرىن ساتىپ الۋعا مۇمكىندىك الدى.

         

اۆتور: گۇلميرا عوسمانالي