11:01, 29 - مامىر 2016 | GMT +5
قىتايلىق اسپاز قازاقستان مەن قىتاي ىنتىماقتاستىعىنا ارنالعان تاعام دايىندادى
استانا. قازاقپارات - قىتايلىق اسپاز قازاق- قىتاي ىنتىماقتاستىعىنا ارنالعان تاعام دايىندادى.
دۋان شۋدۋن اسپازدىق ونەرىنىڭ تۋىندىسىن 28 -مامىردا الماتىداعى Battle BBQ-2016 باس اسپازداردىڭ بايقاۋىندا تانىستىردى، دەپ حابارلادى شينحۋا اگەنتتىگى.
گانسۋ پروۆينسياسىندا تۋعان دۋان شۋدۋن سيىر مەن تاۋىق ەتىنەن «دوستىق كەمەسى» تاعامىن ازىرلەدى. اسپاز جاڭا تاعامدى شىعارۋعا جىل سايىن نىعايىپ كەلە جاتقان قازاقستاندىق- قىتايلىق ىنتىماقتاستىق شابىتتاندىرعانىن ايتتى.
«اسپاز بولىپ جۇمىس ىستەگەنىمە 26 جىل بولدى. بۇل تاڭداۋىما ءبىر مەزەت تە وكىنگەن ەمەسپىن. قازاقستانعا شاقىرتۋ بويىنشا كەلدىم. مەنى جەرگىلىكتى تاعامدار قىزىقتىردى. ول قىتايلىق تاعامدارعا مۇلدە ۇقسامايدى. الايدا قازاقستان مەن قىتايدىڭ داستۇرلەرىن بىرىكتىرەتىن بىرنەشە تاعام دايىنداعىم كەلەدى. مۇنداي العاشقى تاعامدى ازىرلەپ قويدىم!» - دەدى دۋان شۋدۋن.
