قىزىلوردادا ۇمىت قالعان ۇلتتىق تاعامداردى جاڭعىرتۋدان بايقاۋ وتكىزىلدى

استانا. قازاقپارات - قىزىلوردادا ۇلتتىق اسحاناسىنىڭ ۇمىت قالعان ءارى قازىرگى زامانعا لايىقتاندىرىلعان تاعامدارىنان بايقاۋ ءوتتى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

قازاق ۇلتتىق داستۇرلەردى ساقتاپ قالۋ، سونىمەن قاتار ايەلدەردى «استانا ەكسپو-2017» حالىقارالىق كورمەسىنە قاتىسۋعا دايىنداۋ ماقساتىندا قازاق ۇلتتىق اسحاناسىنىڭ ۇمىت قالعان ءارى قازىرگى زامانعا لايىقتاندىرىلعان تاعامدارىنىڭ جانە «نەو- فولكلور» كيىمدەر ديزاينەرلەرىنىڭ رەسپۋبليكالىق كونكۋرستارىنىڭ وبلىستىق كەزەڭى ۇيىمداستىرىلدى.

شارا ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسياسىنىڭ باستاماسىمەن ءوتتى.

ۇمىت قالعان ۇلتتىق تاعامدار كونكۋرسىنىڭ جەڭىمپازى «قىز جىبەك» مەيرامحاناسى؛ 2 -ورىندى جالاعاش اۋدانى بۇقارباي اۋىلىنىڭ «بالدىرعان» بالاباقشاسى، 3 -ورىندى قازالى اۋدانى «ناۋرىز» مەيرامحاناسى يەلەندى.

ۇلتتىق كيىمدەر كونكۋرسىنىڭ جەڭىمپازى قورقىت اتا اتىنداعى مەملەكەتتىك ۋنيۆەرسيتەتى ل. شىلدەبايەۆا، 2 -ورىن - سىرداريا اۋدانى №210 -ورتا مەكتەپ گ. دوسماعانبەتوۆا؛ 3 -ورىن - جالاعاش اۋدانى №246 -ورتا مەكتەپ ا. قاناتبايەۆا.