ارحەولوگتار جارتاسقا سۋرەتتەر سالىنعان پالەوليت داۋىرىندەگى ۇڭگىردى تاپتى
باسكوۆ ەلدەرىنىڭ سولتۇستىگىندەگى جەر استىنداعى اتكسۋررا (Atxurra) ۇڭگىرىندەگى جارتاستاردان 70 كە جۋىق بەينەلەر تابىلدى. سۋرەتتەر اتتاردى، بۇقالاردى، ەشكىلەر مەن بۇعىلاردى بەينەلەگەن. تاريحشىلاردىڭ پىكىرىنشە، بۇلار 12,5 - 14,5 مىڭ جىل بۇرىن سالىنعان. ايتا كەتەر بولساق، ۇڭگىردى 1929 -جىلى تاپقان بولاتىن، ونى زەرتتەۋمەن 1934-35 -جىلدارى عانا شۇعىلدانا باستادى. ءبىراق ول شاقتا عالىمدار ەش نارسە تاپپاعان ەدى. ارحەولوگتا تەك 2014 -جىلى عانا جۇمىستى قايتا جانداندىردى.
ساراپشىلاردىڭ سوزەرىنە قاراعاندا، جارتاستاعى سۋرەتتەر يسپانياداعى ۇڭگىرلەردەن تابىلعان بۇعان دەيىنگى سۋرەتتەر ءتارىزدى تانىمال بولادى دەپ ايتۋعا ءالى ەرتە. ءبىراق ولار بۇعان نىق سەنىمدى. دەگەنمەن اتكسۋررا ۇڭگىرىنە جەتۋ وتە كۇردەلى. سودان دا بولار جۇرتشىلىقتىڭ كورۋ ءۇشىن اشىلا قويۋى دا نەعايبىل.
ءبىر قىزىعى، ارحەولگتار بۇقا بەينەلەنگەن، ونىڭ دەنەسىنە جيىرما نايزا قادالعان سۋرەتكە باسا نازار اۋدارىپ وتىر. ادەتتە، اڭ اۋلاۋ كەزىن كورسەتكەن سۋرەتتەردە ءتورت نەمەسە بەس نايزا سالىناتىن، ال مۇندا ولاردىڭ سانى 20. عالىمدار وسىعان جاۋاپ تابا الماي وتىر.
