ەلوردادا وڭتۇستىك كورەيالىق مەديتسينا ورتالىعى اشىلادى
تاراپتار №2 قالالىق اۋرۋحانا نەگىزىندە وڭتۇستىك كوريالىق مەديتسينالىق قوردىڭ رەسمي كەڭسەسىن اشۋ تۋرالى كەلىسىم جاساستى، دەپ حابارلايدى قالالىق اكىمدىكتىڭ باسپا ءسوز قىزمەتى.
ەلوردالىق كەڭسەدە اتالعان ورتالىقتىڭ كلينيكالارى تۋرالى اقپارات بەرىلەدى، سونداي- اق، قاجەتتى زەرتتەۋلەر جۇرگىزىپ، №2 قالالىق اۋرۋحانا ماماندارى ارقىلى «چاۋم» كلينيكالارىنا جولداما الۋعا بولادى. سونىمەن قاتار، وڭتۇستىك كورەيالىق ۇزدىك ماماندار رەسپۋبليكا تۇرعىندارىنا جوعارى بىلىكتى مەديتسينالىق كومەك كورسەتەدى.
مەموراندۋمعا قول قويۋدىڭ ماقساتى تاراپتار اراسىندا ءتىن جاسۋشالارىن جانە وزىق مەديتسينالىق تەحنولوگيالاردى پايدالانۋدىڭ نەگىزىندە رەگەنەراتيۆتى مەديتسينانى دامىتۋ ماسەلەلەرى بويىنشا ءوزارا ىنتىماقتاستىق ورناتۋ بولىپ تابىلادى.
«چاۋم» مەديتسينا ورتالىعى كورەيادا جاسۋشالار تەحنولوگياسى سالاسىندا الدىڭعى قاتاردا. بۇگىنگى تاڭدا ازياداعى ءىرى مەديتسينالىق جانە زەرتتەۋ ورتالىعى مەديتسينانىڭ بارلىق سالالارىندا قازىرگى زامانعى الەمدىك ستاندارتتار دەڭگەيىندە جوعارى بىلىكتى كومەك ۇسىنادى جانە قارتايۋعا قارسى تەراپيا مەن كوسمەتولوگياعا مامانداندىرىلعان.
قازاقستاندىق تاراپ ءومىر ءسۇرۋ ۇزاقتىعىن ۇلعايتۋ، ونكولوگيا جانە سەرەبرالدى پاراليچتى، التسگەيمەر اۋرۋىن ەمدەۋ جانە ت. ب. سالاسىنداعى زەرتتەۋلەرگە ەرەكشە قىزىعۋشىلىق تانىتىپ وتىر.
مەموراندۋم اياسىندا بىرلەسكەن زەرتتەۋلەر مەن عىلىمي جوبالار ازىرلەۋ جانە ىسكە اسىرۋ، رەگەنەراتيۆتى مەديتسينا ماسەلەلەرى بويىنشا سيمپوزيۋمدار، كونفەرەنسيالار، سەمينارلار مەن شەبەرلىك تارىستەرىن ۇيىمداستىرۋ، سونىمەن قاتار، ناۋقاستارمەن الماسۋ بويىنشا تۇراقتى بايلانىس ورناتۋ بويىنشا ءوزارا جۇمىس ىستەۋ، مەديتسينانىڭ وزەكتى باعىتتارى بويىنشا ءبىزدىڭ مامانداردى وڭتۇستىك كورەيادا وقىتۋ جوسپارلانعان.
