جەكە قوسالقى شارۋاشىلىقتارعا قاجەتتى دەڭگەيدە كوڭىل ءبولۋدىڭ ۋاقىتى كەلدى - ا. كۇرىشبايەۆ
بۇگىن جەر رەفورماسى جونىندەگى رەسپۋبليكالىق كوميسسيانىڭ وتىرىسىندا ەكونوميكا بويىنشا جۇمىس توبىنىڭ جەتەكشىسى اقىلبەك كۇرىشبايەۆ وسىلاي ءمالىم ەتتى.
«زاڭنامانى كۇشەيتەتىن جانە جەكە قوسالقى شارۋاشىلىقتارعا قاجەتتى دەڭگەيدە كوڭىل ءبولۋدىڭ ۋاقىتى كەلدى. ءبىزدىڭ ويىمىزشا، جەكە قوسالقى شارۋاشىلىقتاردىڭ مارتەبەسىن، مىندەتتەرىن انىقتاۋىمىز كەرەك. سوعان بايلانىستى ەكونوميكالىق ءىس-شارالار جۇيەسى قاجەت. ەگەر ولار بولماسا، اۋىل شارۋاشىلىعى كورپەراتسياسىنىڭ ناعىز قوزعاۋشى كۇشى كىم بولادى؟! بۇل تۇرعىدا قوسالقى شارۋاشىلىقتاردىڭ ءرولى ماڭىز»، - دەدى جۇمىس توبىنىڭ جەتەكشىسى.
ونىڭ سوزىنە قاراعاندا، جەر قۇنى مەن ساپاسىن شىنايى باعالاۋ - جەر رەفورماسىنىڭ نەگىزى. قازىرگى تاڭدا الەمدىك تاجىريبەنى ەسكەرە وتىرىپ، جەردى باعالاۋ جۇيەسىن جاڭارتۋ، اۋىل شارۋاشىلىعى جەرلەرىنە تولىقتاي تەكسەرۋ جۇرگىزۋ جانە ولاردى تولقۇجاتپەن قامتاماسىز ەتۋ قاجەت.
«ءبىزدىڭ مالىمەتىمىز بويىنشا بۇگىنگى تاڭدا اۋىل شارۋاشىلىعى كاسىپورىندارى جانە شارۋا قوجالىقتارىنىڭ جارتىسىنا جۋىعىندا پايدالانىلىپ وتىرعان جەرلەردە ءتولقۇجاتتارى جوق ەكەندىگى انىقتالدى. بۇل - ۇلكەن كەمشىلىك»، - دەدى ا. كۇرىشبايەۆ.
اۆتور: رۋسلان عابباسوۆ
