نورۆەگيالىق عالىمدار قازاقتاردىڭ ەتنوگەنەتيكاسىن زەرتتەمەكشى

استانا. قازاقپارات - قازاق گەوگرافيالىق قوعامى مەن نورۆەگيالىق عالىمدار بىرلەسىپ، سكانديناۆيا مەن قازاقستان اراسىنداعى ەتنوگرافيالىق بايلانىستاردى زەرتتەمەك دەپ حابارلايدى «الماتى» ارناسى.

جاڭا جوبا شەڭبەرىندە نورۆەگيا تەلەۆيزياسى جۋرناليستەرى قازاقستان حالقى اسسامبلەياسىنىڭ قولداۋىمەن، ەلىمىزدىڭ تاريحى مەن مادەنيەتىنەن سىر شەرتەتىن دەرەكتى فيلم تۇسىرمەك.

سونىمەن قاتار، زەرتتەۋ بارىسىندا نورۆەگيالىق عالىمدار قازاقستاندىقتاردىڭ ەتنوگەنەتيكاسىنا عىلىمي زەرتتەۋ جۇرگىزەدى. ويتكەنى، ولار ەكى ۇلتتىڭ اراسىندا كوپتەگەن ۇقساستىقتار بار دەپ بولجايدى. وعان قوسا، دەلەگاتسيا قۇرامىندا NRK ارناسىنىڭ ءتۇسىرىلىم توبى مەن عالىم-تاريحشى ستۋرلا ەللينگۆاگ تا بار. حالىقارالىق عالىمدار توبى ەجەلدە ورتالىق ازيا تىلدەردىڭ ورتالىعى بولعان دەسەدى. ال ءوز كەزەگىندە NRK ارناسى ەلىمىزدىڭ سالت-ءداستۇرىن، تابيعي ەرەكشەلىكتەرىن باياندايتىن باعدارلاماعا دا ارنايى رەپورتاج تۇسىرمەك نيەتتە.

«قازاقستانعا العاش كەلىپ تۇرعانىم جوق. بۇل ەل مەنى اسىرەسە تەرەڭ تاريحى مەن مادەنيەتىنىڭ ەرەكشەلىگىمەن تاڭعالدىردى. زەرتتەۋ جۇمىسىمىز ءالى اياقتالعان جوق. ازىرگە ناتيجەسى بەلگىسىز. نورۆەگيالىق عالىمدار قازاقستان جەرىندە تابىلعان ارحەولوگيالىق مۇردەلەردىڭ د ن ق- سىن دا زەرتتەيدى. ەكى ەلدى سالىستىرامىز. قازاقستاندىقتار كەلىسىپ جاتسا، ەكى ەلدىڭ ازاماتتارىنىڭ دا گەنىن زەرتتەۋ ويدا بار. ۇقساستىقتار بارىنا سەنەمىن»، - دەدى تاريحشى- عالىم (نورۆەگيا) ستۋرلا ەللينگۆاگ.

وعان قوسا، عىلىمي جۋرناليستيكانى دامىتۋ ماقساتىندا قازاق گەوگرافيالىق قوعامىنىڭ ۇيىمداستىرۋىمەن بەلگىلى نورۆەگيالىق عالىم، ءارى NRK ارناسىنىڭ جۇرگىزۋشىسى جۋرناليستەرگە شەبەرلىك ساباعىن وتكىزدى. ماتەماتيكا عىلىمىنىڭ دوكتورى، پروفەسسور جانە جۋرناليست دجو روسليەن عىلىمي زەرتتەۋلەردىڭ دۇرىس جۇرگىزۋدى جانە زاماناۋي باعدارلارىن ايقىنداۋعا ۇيرەتپەك. نورۆەگيالىق جۋرناليستەر العاشقىلاردىڭ ءبىرى بولىپ عىلىمي جۋرناليستيكانى دامىتۋعا مىقتاپ كىرىسكەن.