12:06, 28 - مامىر 2016 | GMT +5
ينتەرنەت قولدانۋشىلارى تاعى ءبىر جۇمباق سۋرەتتى قىزۋ تالقىلاپ جاتىر
استانا. قازاقپارات - ينتەرنەت قولدانۋشىلارى تاعى ءبىر جۇمباق سۋرەتپەن باس قاتىرىپ جاتىر، - دەپ حابارلايدى Lenta.ru.
الەۋمەتتىك جەلىلەردە تەڭىز جاعاسىندا ەكى ادامنىڭ قۇشاقتاسىپ تۇرعانى تۇسىرىلگەن سۋرەت جاريالاندى. سۋرەتكە قاراعان ادام ولاردىڭ اياقتارى اۋىسىپ كەتكەنىن كورەدى: قارا ءناسىلدى جىگىتتىڭ اياعى اق ءتۇستى، ال اقشىل قىزدىڭ اياعى قارالاۋ كەلگەن. بۇل سۋرەتتى قازىردىڭ وزىندە ەكى ميلليوننان اسا ادام كورىپ ۇلگەردى.
سۋرەتتىڭ فوتوشوپپەن وڭدەلمەگەنى انىق. اۆتور، ءتىپتى الەۋمەتتىك جەلى قولدانۋشىلارى وسى سۋرەتكە باس قاتىرىپ جاتقانىن ايتادى. بۇل يلليۋزيانىڭ شىندىققا سايكەس كەلەتىن جاۋاپتارىنىڭ ءبىرى - ەر ادام ورتا جاعى اق ءتۇستى قوڭىر شالبار كيگەن.
