الماتى وبلىسىنىڭ ۇيعىر اۋدانىندا ورىك پەن شابدالى وسىرىلەدى

استانا. قازاقپارات - يندۋستريالاندىرۋ كارتاسىنىڭ ارقاسىندا الماتى وبلىسىنىڭ ۇيعىر اۋدانىندا «شونجى اگرو» ج ش س ءوز جوباسىن ءساتتى جۇزەگە اسىرا باستادى.

ەندى كاسىپكەرلەر جەمىس اعاشتارىن وسىرۋگە بەلسەنە كىرىسىپ جاتىر. اگرارلىق سالا ماماندارىنا كاسىپكەرلەر پالاتاسىنىڭ ماماندارى قولداۋ كورسەتۋدە، دەپ حابارلايدى وبلىستىق اكىمدىكتىڭ باسپا ءسوز قىزمەتى.

كاسىپكەرلەر پالاتاسى ۇيعىر اۋداندىق فيليالىنىڭ ديرەكتورى مۋسليم امانگەلدىنىڭ ايتۋىنشا، «شونجى اگرو» ج ش س ءۇشىن بيزنەس- جوسپار دايىندالىپ، زاڭگەرلەر قۇرىلتايشىلىق قۇجاتتاردى دايىنداۋعا كومەكتەسكەن. ولاردى ءوندىرۋشى رەتىندە يندۋستريالاندىرۋ كارتاسىنا ەنگىزۋگە سەپتەسكەن. مۇنان كەيىن ايماقتىق نەسيەلىك كەڭەس كومپانيا ءۇشىن 800 گەكتار جەر ءبولدى. ءۇش جىل كولەمىندە كاسىپكەرلەر ءبولىنىپ بەرىلگەن اۋماقتى تۇگەلىمەن يگەرۋدى جوسپارلاپ وتىر. بيىلعى جىلى 100 گ ا جەرگە ءورىس پەن شابدالى كوشەتتەرىن وتىرعىزباق. ونىڭ 30 گەكتارىنا اعاش قازىر ەگىلسە، قالعان 70 گەكتارىنا كۇزدە وتىرعىزىلاتىن بولادى. بارلىعى جىلىنا 400 توننا جەمىس جيناۋ جوسپارلانعان.

سونىمەن قاتار «شونجى اگرو» ج ش س جەمىس- جيدەكتەردىڭ ءسولىن سىعاتىن زاۋىت اشۋدى مەجەلەۋدە. ەشقانداي قوسپاسىز، تابيعي تازا ءونىم - جەمىس شىرىندارى مەن دجەم دايىنداماق.

جالپى، بيىلعى جىلى ۇيعىر اۋدانىندا 261 گ ا جەردە جاڭا باق القاپتارى پايدا بولدى. اۋدان بويىنشا بارلىعى 6 مىڭنان استام شاعىن بيزنەس وكىلدەرى جۇمىس ىستەيدى.