08:53, 28 - مامىر 2016 | GMT +5
پەتروپاۆلدا قازاقتىڭ ۇمىت بولعان ۇلتتىق تاعامدارىنىڭ سايىسى ءوتتى - فوتو
پەتروپاۆل. قازاقپارات - پەتروپاۆلدا وبلىستىق «نەو- فولكلور» سايىسى ءوتتى. سايىسقا قاتىسقان 26 ادام ءادىلقازى القاسىنا ۇلتتىق تاعامدارى مەن كيىمدەردى تانىستىردى. سايىسقا قاتىسۋشىلار توڭكەرمە، ۇلپەرشەك، كومەش، قانسوقتا، سىر- باس، وراما، قوسپا، بۇقپا سىندى ۇلتتىق تاعامداردى ازىرلەدى.
بارلىق اسپازدار وزدەرى جاساعان ۇلتتىق تاعامنىڭ جاسالۋ تەحنولوگياسى مەن تاريحىن ايتىپ بەردى.
ەڭ ۇزدىك ۇلتتىق كيىم سايىسىندا س ق و سانگەرلەرى تىككەن كويلەكتەر كورسەتىلدى.
سايىس قورىتىندىسى بويىنشا ەڭ ۇزدىك اسپاز اتاعىنىڭ گران- پري جۇلدەسىن يۋريي دۋبينين الدى. ول «سىر- باس» پەن «اسقاباقتاعى قۋىرداق» تاعامدارىن ازڭرلەدى. ەندى يۋ. دۋبينين تاراز قالاسىندا وتەتىن سايىسقا سقو اتىنان باراتىن بولادى.
سانگەرلەر اراسىنان ءۋاليحانوۆ اۋدانىنان ساۋلەش يدايات ۇزدىك شىقتى. بارلىق جەڭىمپازدار ديپلومدارمەن جانە اقشالاي سىيلىقتارمەن ماراپاتتالدى.
