00:06, 28 - مامىر 2016 | GMT +5
استانادا بىرىككەن اراب امىرلىكتەرىنىڭ پرەزيدەنتىنىڭ گرانتىنا قازاق- امىرلىكتەر ورتا مەكتەبى اشىلادى
استانا. قازاقپارات - ق ر سىرتقى ىستەر مينيسترلىگىنىڭ قازاقستاننىڭ وزگە ەلدەردەگى ەلشىلەرىمەن وتكىزەتىن ءداستۇرلى بريفينگىسىنە قاتىسا وتىرىپ، قازاقستاننىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما- شاريف وسىلاي حابارلادى.
«جاڭا وقۋ جىلىنىڭ قارساڭىندا استانادا 900 وقۋشىعا ارنالعان قازاق- امىرلىكتەر ورتا مەكتەبى اشىلادى. اتالعان وقۋ ورنى «ءابۋ دابي پلازا» كەشەنى مەن «ەكسپو» حالىقارالىق كورمەسى عيماراتىنىڭ اراسىندا ورنالاسادى. مەكتەپ ب ا ءا پرەزيدەنتى، شەيح حاليفا بەن زايد ءال- ناحاياننىڭ قايىرىمدىلىق قورىنىڭ 13 ميلليون دوللاردى قۇرايتىن وتەۋسىز گرانتى ەسەبىنەن بوي كوتەرەدى»، - دەپ حابارلادى ق. لاما- شاريف.
اۆتور: كەنجەكەي توقتامۇرات قىزى
