قازاقستان ۇلتتىق ارناسى فۋتبولدان ەۋروپا چەمپيوناتىن كورسەتەدى
بۇگىن «قازاقستان» ر ت ر ك» ءتوراعاسى نۇرلان جالاۋ قىزى وسى وقيعاعا وراي جۋرناليستەرمەن كەزدەستى.
«15- ەۋروپا چەمپيوناتىنىڭ فينالدىق كەزەڭىندە العاش رەت 24 قۇراما ونەر كورسەتپەك. «قازاقستان» ۇلتتىق تەلەارناسى تۋرنيردەگى 51 كەزدەسۋدىڭ 36-سىن، «Kazsport» تەلەارناسى 15- ءىن كورسەتەدى. سونىمەن قاتار، بارلىق ماتچتاردىڭ قايتالاپ كورسەتىلۋى دە «Kazsport» تەلەارناسىندا جوسپارلانعان»، - دەپ حابارلادى ن. جالاۋ قىزى.
نەگىزگى ترانسلياتسيالاردان بولەك، UEFA EURO 2016 كەزىندە ارنايى ستۋديالىق باعدارلاما جوسپارلانۋدا. ءاربىر كەزدەسۋدىڭ قارساڭىندا تىكەلەي ەفيرگە شىعاتىن جوبا بارىسىندا جۇرگىزۋشىلەر مەن ستۋديا قوناقتارى ەۋروپا چەمپيوناتىنىڭ بارىسىن تالقىلاپ قانا قويماي، ءتۇرلى كونكۋرستاردى ۇيىمداستىرۋدى جوسپارلاۋدا.
ايتا كەتەيىك، ون بەسىنشى رەت وتكىزىلگەلى وتىرعان بىرەگەي سپورتتىق تۋرنيردى كورسەتۋ قۇقىعىن «قازاقستان» ر ت ر ك» ا ق 2014 - جىلى ساتىپ العان بولاتىن.
اۆتور: كەنجەكەي توقتامۇرات قىزى
