بەلارۋس بيلىگى قىرعىزستاننىڭ بۇرىنعى پرەزيدەنتى قۇرمانبەك باكيەۆتى قايتارۋدان باس تارتتى
بەلارۋس پروكۋراتۋراسى وكىلدەرىنىڭ ايتۋىنشا، قۇرمانبەك باكيەۆ بەلارۋس ازاماتتىعىن العاندىقتان، ونى قىرعىز تاراپىنا ەكستراديتسيالاي المايدى.
«قۇرمانبەك سالي ۇلى باكيەۆ - بەلارۋس ازاماتى. الەمدىك پراكتيكادا قابىلدانعانداي، بەلارۋس ءوز ازاماتتارىن باسقا ەلگە بەرمەيدى»، - دەپ مالىمدەدى ب ر پروكۋراتۋراسىندا.
بۇدان باسقا، قىرعىز تاراپى مۇنداي ساۋالدى بىرنەشە رەت جىبەرىپ، ولاردىڭ باس تارتقانىن اتاپ وتەدى.
قىرعىز رەسپۋبليكاسى س ءى م دەرەكتەرىنە سۇيەنسەك، بىشكەكتە بۇدان بۇرىن ەكى ەلدىڭ كونسۋلدىق قىزمەتتەرى باسشىلارىنىڭ كەزدەسۋى بارىسىندا قىرعىز تاراپى رەسپۋبليكادا اۋىر قىلمىسى ءۇشىن سوتتالعان بۇرىنعى پرەزيدەنت باكيەۆتى، ونىڭ بەلارۋسكە كەلگەن سىبايلاستارىن ەكستراديتسيالاۋ تاقىرىبىن قايتا كوتەرگەن بولاتىن.
وسى ماسەلە جونىندە ءوزارا تۇسىنىستىكتىڭ بولماۋى تىعىز مەملەكەت ارالىق ينتەگراتسيالانۋعا كەدەرگى كەلتىرىپ وتىرعان فاكتورلاردىڭ ءبىرى بولىپ تابىلادى.
