ق ر باس پروكۋراتۋراسى ەل ازاماتتارى مەن ب ا ق وكىلدەرىن رەسمي ورگانداردىڭ اقپاراتتارىنا سۇيەنۋگە شاقىردى
باس پروكۋراتۋرا وسى جاعدايعا ءوز الاڭداۋشىلىعىن ءبىلدىرىپ، حالىققا شىنايى اقپاراتتى جەتكىزۋ ماقساتىندا مىنانى حابارلايدى:
باس پروكۋرور 2016 -جىلدىڭ 21 - مامىرىنا دەيىن كۇنى بۇرىن جەكەلەگەن تۇلعالاردىڭ تاراپىنان بولۋى ىقتيمال زاڭسىز ارەكەتتەردىڭ الدىن الۋ ءۇشىن ەل تۇرعىندارىنا بەيبىت جينالىستار مەن ميتينگىلەردى وتكىزۋ جانە ۇيىمداستىرۋ ءتارتىبىن، سونداي- اق رۇقسات ەتىلمەگەن، سايكەسىنشە زاڭسىز نارازىلىق اكسيالارىنا قاتىسقان جاعدايدا تۋىندايتىن جاۋاپكەرشىلىكتى ءتۇسىندىرىپ، ەكى رەت ۇندەۋ جاسادى.
باس پروكۋروردىڭ بۇل ۇندەۋلەرى بۇقارالىق اقپارات قۇرالدارىندا جانە وزگە مۇمكىن تاسىلدەرمەن تاراتىلىپ، وسىلايشا ۇندەۋلەردىڭ ەلدىڭ بارلىق ازاماتتارىنا قولجەتىمدى بولۋى قامتاماسىز ەتىلدى.
بۇدان باسقا، زاڭسىز اكسيالارعا ءوزىنىڭ قاتىسۋىن تىكەلەي جانە اشىق مالىمدەگەن بارلىق تۇلعالارمەن جەكە ءتۇسىندىرۋ- پروفيلاكتيكالىق ءىس- شارالارى جۇرگىزىلدى.
باس پروكۋروردىڭ سوڭعى ۇندەۋى الماتىدا ميتينگىلەر وتكىزۋدىڭ بولجامدى ورىندارىنىڭ ماڭايىندا قارۋلاردىڭ، وق- دارىلەردىڭ، جاندىرعىش قوسپاسى بار شولمەكتەردىڭ، ارماتۋرا كەسىندىلەرىنىڭ تابىلۋى اياسىندا جاسالدى. بۇل دا بۇقارالىق اقپارات قۇرالدارىندا كەڭىنەن تاراتىلدى.
بۇل زاتتاردىڭ ميتينگىلەر بارىسىندا جاپپاي تارتىپسىزدىكتەردى ۇيىمداستىرۋ ءۇشىن دايىندالعان بولۋى مۇمكىن ەكەنى جوققا شىعارىلمايدى. وسى بولجام جۇرگىزىلىپ جاتقان سوتقا دەيىنگى تەرگەپ- تەكسەرۋلەر شەگىندە وزگە دە بولجامدارمەن قاتار پىسىقتالۋدا.
وسىعان بايلانىستى قوعامدىق ءتارتىپتى قامتاماسىز ەتۋ، ازاماتتاردىڭ ءومىرى مەن دەنساۋلىعىن قورعاۋ ماقساتىندا ىشكى ىستەر ورگاندارى قاۋىپسىزدىك شارالارىن كۇشەيتكەن بولاتىن.
وسىلايشا، قالىپتاسقان جاعداي اياسىندا قىزمەت وتكەرۋدىڭ كۇشەيتىلگەن ءتۇرى كەزەڭىندە پوليتسيامەن جاعىمسىز بايلانىستاردىڭ جانە شيەلەنىستى احۋالداردىڭ الدىن الۋ بويىنشا قۇقىق قورعاۋ ورگاندارى بارىنشا مۇمكىن كوپ ساتىلىق شارالاردى قابىلدادى.
وسىعان قاراماستان، 21 - مامىردا جەكەلەگەن تۇلعالار زاڭ تالاپتارى مەن باس پروكۋروردىڭ ۇندەۋىن دە، قۇقىقتىق ءتارتىپ شارالارىن كۇشەيتۋ تۋرالى حابارلامانى دا ەلەمەي، زاڭسىز اكتسيالاردى ۇيىمداستىرۋعا جانە قاتىسۋعا ارەكەت جاساعان.
بۇعان دا قاراماستان اعىمداعى جىلعى 21 - مامىردا قۇقىق قورعاۋ جانە جەرگىلىكتى اتقارۋشى ورگانداردىڭ قىزمەتكەرلەرى زاڭسىز اكتسيالارعا كەلگەن تۇلعالارمەن ءتۇسىندىرۋ جۇمىستارىن جۇرگىزدى.
جەكەلەگەن ايماقتاردا جينالعان ازاماتتار ولاردى تولعاندىراتىن ماسەلەلەردى قۇقىقتىق ورىستە تالقىلاۋ ءۇشىن ارنايى قۇرىلعان ديالوگتىق الاڭدارعا شاقىرعان.
وزدەرىنىڭ زاڭسىز ارەكەتتەرىن ءارى قاراي جالعاستىرعان ازاماتتاردى پوليتسيا قىزمەتكەرلەرى ۇستاپ العان بولاتىن. ولاردىڭ ىشىندە زاڭدى ورەسكەل بۇزعاندارعا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 488-بابىنىڭ شەگىندە سوت تارتىبىندە اكىمشىلىك جاۋاپكەرشىلىك شارالارى قولدانىلدى.
ناتيجەسىندە، 21 - مامىر ىشىندە سوت تۇتاستاي العاندا قۇقىق بۇزۋشىلىق جاساعاندارى ءۇشىن 51 تۇلعانى اكىمشىلىك جاۋاپكەرشىلىككە تارتتى.
ولاردىڭ ىشىنەن تەك 4 ازامات قانا اكىمشىلىك قاماۋعا الىندى، 12 تۇلعاعا اكىمشىلىك ايىپپۇل سالىندى. قالعاندارىنا سوت ەسكەرتۋ جاسادى.
بۇگىنگى كۇنگە دەيىن پروكۋراتۋرا ورگاندارىنا پوليتسيانىڭ ارەكەتتەرىنە قاتىستى 17 ازامات شاعىمداندى، ولاردىڭ ىشىنەن 8 ادام جەر رەفورماسى بويىنشا ۇكىمەتتىك كوميسسياعا قاتىسۋشىلاردىڭ ءبىرى ارقىلى جۇگىندى.
بۇل ازاماتتاردىڭ ۋاجدەرىن پروكۋرورلار جەكە تارتىپتە مۇقيات قارايتىن بولادى.
قۇقىقتىق ءتارتىپ ورگاندارى قىزمەتكەرلەرىنىڭ ارەكەتتەرىنە ءتيىستى قۇقىقتىق باعا بەرىلەدى.
زاڭسىز ميتينگىلەر وتكىزۋدىڭ بولجامالى ورىندارىنىڭ جانىندا جۋرناليستەردىڭ ۇستالۋىنا قاتىستى وسىعان دەيىن ىشكى ىستەر مينيسترلىگى تۇسىنىك بەردى.
بۇقارالىق اقپارات قۇرالدارىنىڭ ۇستالعان وكىلدەرىنەن پروكۋراتۋرا ورگاندارىنا شاعىمدار تۇسكەن جوق.
قازاقستان رەسپۋبليكاسىنىڭ باس پروكۋراتۋراسى بارلىق ازاماتتار مەن بۇقارالىق اقپارات قۇرالدارىنىڭ وكىلدەرىن رەسمي ورگانداردىڭ اقپاراتتارىنا سۇيەنۋگە، تەك تەكسەرىلگەن جانە شىنايى مالىمەتتەردى تاراتۋعا، وسىلايشا، ەلدەگى قوعامدىق ءتارتىپتى ساقتاۋعا جانە قولداۋعا ىقپال ەتۋگە شاقىرادى.
