ق ر ىشكى ىستەر ءمينيسترى جۋرناليستەردىڭ قۇقىقتارىن مۇلتىكسىز ساقتاۋ تۋرالى نۇسقاۋ بەردى
دەپ حابارلادى ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.
« وسى جىلى 21 - مامىردا پوليتسياعا سانكسيالانباعان اكسيالاردى ۇيىمداستىرۋشىلار مەن وعان بەلسەندى قاتىسۋشىلار جەتكىزىلدى. وكىنىشكە وراي، ولاردىڭ ىشىندە بۇقارالىق اقپارات قۇرالدارىنىڭ وكىلدەرى دە بولدى. كەيىننەن ولار بوساتىلدى. ق ر ىشكى ىستەر ءمينيسترى قۇقىقتىق ءتارتىپ بۇزۋشىلىقتىڭ جولىن كەسۋ كەزىندەگى جول بەرىلگەن كەمشىلىكتەر بويىنشا ءماجىلىس وتكىزدى دە، ءوز كاسىبي مىندەتتەرىن ورىنداپ جۇرگەن جۋرناليستەر قۇقىقتارىن مۇلتىكسىز ساقتاۋ تۋرالى ءى ءى د- گە نۇسقاۋ بەردى»، - دەپ حابارلادى ا. سادۋبايەۆ.
سونىمەن بىرگە، ا. سادۋبايەۆ بارلىق ب ا ق وكىلدەرىنە ۇندەۋ تاستادى.
« جۋرناليستەر الدىمەن كوپشىلىك شاراعا ازامات رەتىندە مە، الدە جۋرناليست رەتىندە بارا جاتىر ما، سونى انىقتاۋ قاجەت. بۇل ماڭىزدى، سەبەبى كوپشىلىك شاراعا قاتىسۋشى جۋرناليست پەن قاتىسۋشىنىڭ قۇقىقتارى ءارتۇرلى. مىسالى، جۋرناليست سانكسيالانباعان شارانى دا جاريالاۋعا قۇقىلى. ال ميتينگىنى ۇيىمداستىرىپ جانە وعان قاتىساتىن بولسا، جازالانادى. جاپپاي اكسيانى جاريالايتىن جۋرناليستەردىڭ قىزمەتتىك كۋالىگى، بەيدجى، مۇمكىندىگىنشە، باسپا ءسوز وكىلى ەكەنىن راستايتىن بەلگىلەرى («باسپاءسوز»، « ب ا ق» جازبالارىمەن جيلەتتەر، باس كيىم) بولۋى ءتيىس»، - دەپ ءسوزىن تۇيىندەدى ا. سادۋبايەۆ.
