بىرىككەن اراب امىرلىكتەرى قازاقستاننىڭ مۇسىلمان الەمىندەگى ماڭىزدى ارىپتەسى - ەلشى
بۇگىن سىرتقى ىستەر مينيسترلىگىندە جۋرناليستەرگە بريفينگ وتكىزگەن قازاقستاننىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى قايرات لاما- شاريف وسىلاي ءمالىم ەتتى.
قازاقستان مەن امىرلىكتەر ىنتىماقتاستىعىنىڭ قازىرگى جاعدايى جانە دامۋ كوكجيەكتەرى تاقىرىبىنداعى بريفينگكە كەلگەن بارلىق جۋرناليستەرگە العىس ايتا وتىرىپ، ق. لاما- شاريف تەك قازاق تىلىندە بايانداما جاسايتىنىن، سۇراقتار بولسا، ەكى تىلدە دە جاۋاپ بەرۋگە دايىن ەكەنىن ءمالىم ەتتى.
«جوعارى دەڭگەيدە وتكىزىلەتىن كەزدەسۋلەردىڭ جيىلىگى مەن تيىمدىلىگىنىڭ اراسىندا ب ا ءا قازىرگى تاڭدا قازاقستاننىڭ مۇسىلمان جانە اراب الەمىندەگى سەنىمدى وداقتاسى، ماڭىزدى ارىپتەسى رەتىنە تانىلىپ وتىر. امىرلىكتەر قازاقستاندى ەڭ اۋەلى حالىقارالىق جانە ايماقتىق وزەكتى ماسەلەلەرگە قاتىستى ءوز ارەكەتى مەن شەشىمدەرىنە جاۋاپتى، ءتۇرلى سالالاردا ەكىجاقتى قاتىناستاردى ارتتىرۋعا مۇددەلى، سونداي- اق دوستىق پەن سەرىكتەستىك داستۇرىلەرىن ودان ءارى دامىتۋ مەن ۇلعايتۋدى كوزدەيتىن تولىققاندى ءارى مىقتى مەملەكەت رەتىندە تانيدى»، - دەدى ق. لاما- شاريف.
اۆتور: كەنجەكەي توقتامۇرات قىزى
