الماتىدا ق ر ۇلتتىق قاۋىپسىزدىك كوميتەتى شەكارا قىزمەتى اكادەمياسىنىڭ جاڭا وقۋ ورتالىعى پايدالانۋعا بەرىلدى

الماتى. قازاقپارات - بۇگىن الماتىدا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى شەكارا قىزمەتى اكادەمياسى اۋماعىندا بوي كوتەرگەن جاڭا وقۋ باقىلاۋ- وتكىزۋ پۋنكتى پايدالانۋعا بەرىلدى.

جاڭا وقۋ ورتالىعىنىڭ سالتاناتتى اشىلۋ راسىمىنە ا ق ش- تىڭ قازاقستانداعى ەلشىسى دجوردج كرول، ق ر  ۇلتتىق قاۋىپسىزدىك كوميتەتى شەكارا قىزمەتىنىڭ ديرەكتورى، گەنەرال- مايور دارحان ءدىلمانوۆ، ق ر ۇ ق ك شەكارا قىزمەتى اكادەمياسىنىڭ باستىعى، پولكوۆنيك پاۆەل پوليۆانوۆ، شەكارا قىزمەتى اكادەمياسىنىڭ وفيتسەرلەرى مەن كۋرسانتتارى جانە ب ا ق وكىلدەرى قاتىستى.

ەڭ الدىمەن اسكەري وركەستر ا ق ش پەن قازاقستاننىڭ مەملەكەتتىك ءانۇراندارىن ورىندادى.

ساپ تۇزەپ، وقتاي ءتىزىلىپ تۇرعان كۋرسانتتار الدىندا سويلەگەن سوزىندە قر  ۇ ق ك شەكارا قىزمەتىنىڭ ديرەكتورى، گەنەرال- مايور دارحان ءدىلمانوۆ جاڭا وقۋ نىسانىن سالۋعا قولداۋ كورسەتكەنى ءۇشىن ا ق ش ۇكىمەتى مەن حالقىنا ريزاشىلىعىن ءبىلدىردى.

 «كۇردەلى حالىقارالىق جاعداي، وڭىردەگى ساياسي- الەۋمەتتىك احۋالداردىڭ تەز وزگەرۋى ۇلتتىق قاۋىپسىزدىك، مەملەكەتتىك شەكارانى قورعاۋ قاعيدالارى مەن الەۋمەتتىك تۇراقتىلىققا جاڭا تۇرعىدان قاراۋعا يتەرمەلەيدى. لاڭكەستىك، زاڭسىز ميگراتسيا، زاڭسىز ەسىرتكى، قارۋ- جاراق تاسىمالداۋ ارەكەتتەرىنە قارسى كۇرەستە كادرلاردىڭ بىلىكتىلىگى وتە قاجەت. بۇگىن جاڭادان اشىلعان وقۋ نىسانى بارلىق قاجەتتى جابدىقتارمەن جابدىقتالعان. ول الداعى ۋاقىتتا وقۋ ۇدەرىسىندە بەلسەندى تۇردە پايدالانىلادى»، - دەدى د. ءدىلمانوۆ.

ءوز كەزەگىندە دجوردج كرول مىرزا قازاقستاننىڭ جاپپاي قىرىپ- جويۋ قارۋىن تاراتپاۋ سالاسىندا الەم مويىنداعان كوشباسشى مەملەكەت ەكەندىگىن ايتتى.

 «ءبىز ۇلتتىق قاۋىپسىزدىك كوميتەتى شەكارا قىزمەتىنىڭ شەكارا ارقىلى زاڭسىز ميگراتسيا، زاڭسىز تاۋار وتكىزۋ ارەكەتتەرىنە قارسى كۇرەسىن قىزۋ قولدايمىز. سوندىقتان، وسى جوبانى جۇزەگە اسىرۋعا بەلسەنە ارالاستىق. نىساننىڭ قۇرىلىسى مەن ينفراقۇرىلىمىنا ا ق ش ۇكىمەتى 1,2 ميلليون ا ق ش دوللارىن جۇمسادى. بۇل جاڭا وقۋ نىسانى لايىقتى ينفراقۇرىلىممەن، قاجەتتى تەحنيكالارمەن جابدىقتالعان. مۇندا بولاشاق شەكاراشىلار وزدەرىنىڭ كاسىبي بىلىكتىلىگىن دامىتا الادى»، - دەدى ەلشى.

 وسىدان كەيىن، ا ق ش- تىڭ قازاقستانادعى ەلشىسى مەن ق ر ۇلتتىق قاۋىپسىزدىك كوميتەتى شەكارا قىزمەتىنىڭ ديرەكتورى ەسەپتىك قۇجاتتارعا قول قويدى. بۇدان سوڭ، دجوردج كرول مىرزا گەنەرال- مايور دارحان ءدىلمانوۆقا جاڭا وقۋ ورتالىعىنىڭ سيمۆوليكالىق كىلتىن تابىس ەتتى.

شەكارا قىزمەتىنىڭ وفيتسەرلەرى مەن كادەتتەرىن وقىتۋعا ارنالعان تولىق اتقارىمدىق بۇل باقىلاۋ- وتكىزۋ پۋنكتى ءىس- تاجىريبەلىك دارىستەرگە ارنالعان بارلىق قاجەتتى تەحنيكالارمەن جابدىقتالعان. مۇندا كۋرسانتتار قازاقستاننىڭ مەملەكەتتىك شەكاراسىنداعى باقىلاۋ- وتكىزۋ بەكەتتەرىندە اتقارىلاتىن بارلىق قاجەتتى راسىمدەردى مەڭگەرەدى. شەكارانى زاڭسىز باسىپ ءوتۋ ارەكەتتەرىن انىقتاۋعا جانە الدىن الۋعا ماشىقتانادى. مۇندا ءتولقۇجات تەكسەرۋ قۇرىلعىلارى، سۋىق قارۋلاردى جانە ەسىرتكى زاتتارىن انىقتايتىن اپپاراتتار، رادياتسياسى بار زاتتاردى انىقتايتىن كەشەندەر ورناتىلعان. ودان باسقا، بۇل جەردە زاماناۋي كومپيۋتەرلىك تەحنيكالارمەن جاراقتاندىرىلعان وقۋ سىنىپتارى اشىلعان.

ەستەرىڭىزگە سالا كەتەلىك، جاڭا وقۋ نىسانىنىڭ قۇرىلىسى 2015 -جىلى 7 - تامىزدا باستالعان بولاتىن. سول كۇنى ونىڭ ىرگەتاسىن قالاۋ راسىمىنە ا ق ش- تىڭ الماتىداعى باس كونسۋلى مىندەتىن اتقارۋشى كريستوفەر ماككەيب قاتىسىپ، عيماراتتىڭ ىرگەتاسىنا ارنايى كاپسۋلا ورناتتى.

 ال ق ر شەكارا قىزمەتى اكادەمياسى مەن ا ق ش- تىڭ قازاقستانداعى ەلشىلىگى اراسىنداعى ىنتىماقتاستىق 2006 - جىلدان باستاۋ الادى. كۇنى بۇگىنگە دەيىن ا ق ش ەلشىلىگىنىڭ بەلسەنە ارالاسۋىمەن 30-دان استام ءىرى شارالار جۇزەگە اسىرىلعان.

اۆتور: ايبوتا جاپپاربەرگەن