15:25, 27 - مامىر 2016 | GMT +5
سۋبۇرقاققا سەكىرگەن جىگىت اجال قۇشتى
استانا. قازاقپارات - رەسەيدەگى نيجنيي تاگيلدە 18 جاستاعى جەرگىلىكتى تۇرعىننىڭ ولىمىنە قاتىستى تەرگەۋ جۇمىستارى جۇرگىزىلىپ جاتىر. قايعىلى وقيعا سارسەنبى كۇنى كەشكە ورىن الدى.
جىگىت تانىستارىمەن لەنين داڭعىلىندا ورنالاسقان سۋبۇرقاق ماڭىندا دەمالىپ وتىرعان. سۋعا تۇسپەك بولعان ول سۋبۇرقاققا سەكىرگەن. كەيىن ونىڭ اجال قۇشقانى بەلگىلى بولدى.
سوتقا دەيىنگى تەرگەۋ امالدارى اياسىندا سوت مەديتسينالىق ساراپتاما تاعايىندالدى. جىگىت ءولىمىنىڭ سەبەپتەرى انىقتالىپ جاتىر.
كەيىن «ۆكونتاكتە» الەۋمەتتىك جەلىسىندە وقيعا كۋاگەرىنىڭ اڭگىمەسى جاريالاندى. تاپ سول ساتتە دوستارىمەن سۋبۇرقاق ماڭىندا ءوتىپ بارا جاتقان قىز جىگىتتىڭ سۋبۇرقاققا سەكىرگەنىن، كەيىن شىقپاعانىن جازدى. ونىڭ دوستارى شىعارماق بولعان. الايدا ولاردى توق سوققان. جەدەل جاردەم كەلگەنگە دەيىن جىگىت كوز جۇمدى.
