مۇحيت تۇبىندە ۇلكەندىگى اۆتوبۋستاي كالمارلار تىرشىلىك ەتۋى مۇمكىن
زەرتتەۋشىلەر بۇل پىكىرگە ستاتيستيكالىق ەسەپتەرىنىڭ نەگىزىندە كەلدى. ولار الىپ تەڭىز قۇبىجىقتارى بار ەكەنىن كورسەتتى.
بۇل تۋرالى اتلانت مۇحيتى جاعالاۋىنداعى اۋدانداردىڭ تۇرعىندارى دا تالاي رەت ايتقان.
بيولوگتار 160 تەڭىز مەكەندەۋشىسىنەن تۇراتىن «مالىمەتتەر بازاسى» جينالعان كوپجىلدىق زەرتتەۋلەرىن سارالادى. ولاردىڭ كولەمى، سونداي- اق دەنە بولىكتەرىنىڭ كولەمى نەگىزىندە عالىمدار مۇحيتتا مەكەندەيتىن الىپ كالمارلاردىڭ كولەمىن انىقتاۋعا مۇمكىندىك بەرەتىن كومپيۋتەرلىك مودەلدى قۇرادى.
زەرتتەۋشىلەردىڭ مالىمدەمەسى بويىنشا، تەڭىز فاۋناسىنىڭ الىپ وكىلدەرىنىڭ كولەمى اۆتوبۋس نەمەسە ءىرى جۇك كولىك سياقتى بولۋى مۇمكىن. بۇل رەتتە كالماردىڭ ۇزىندىعى شامامەن 20 مەتردى قۇراۋى ىقتيمال. بيولوگتاردىڭ پىكىرىنشە، وسىنداي كولەم ولارعا كاشالوتتاردان قورعانۋعا مۇمكىندىك بەرەدى، دەپ جازادى russian.rt.
