20:25, 26 - مامىر 2016 | GMT +5
الماتى اكىمدىگى جەكە تۇرعىن ءۇي قۇرىلىسىنا ارنالعان جەر تەلىمدەرى تۋرالى مالىمدەدى
الماتى. قازاقپارات - الماتى اۋماعىندا بوس جاتقان جەر تەلىمدەرىنىڭ جوقتىعىنا بايلانىستى، قازىرگى تاڭدا جەكە تۇرعىن ءۇي قۇرىلىسىن سالۋ ءۇشىن جەر تەلىمدەرىن ۇسىنۋ مۇمكىن ەمەس. بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.
«الماتى اۋماعىندا بوس جاتقان جەر تەلىمدەرىنىڭ جوقتىعىنا بايلانىستى، قازىرگى تاڭدا جەكە تۇرعىن ءۇي قۇرىلىسىن سالۋ ءۇشىن جەر تەلىمدەرىن ۇسىنۋ مۇمكىن ەمەس. قالا جەرىنىڭ شەكتەۋلىلىگىنە بايلانىستى، الماتى قالاسىنىڭ باس جوسپارىندا جەكە تۇرعىن ءۇي قۇرىلىسىنا ارنالعان جاڭا اۋدانداردى دامىتۋ قاراستىرىلماعان»، - دەلىنگەن حابارلامادا.
ايتا كەتەلىك، الماتىنىڭ اعىمداعى باس جوسپارى قالالىق ءماسليحاتتىڭ 2006 -جىلى 20 قاراشاداعى №284- شەشىمىمەن ماقۇلدانعان.
اۆتور: ايبوتا جاپپاربەرگەن
