قازاقستان ينۆەستيتسيا قۇيۋعا ەڭ قولايلى جەر بولىپ تابىلادى - گەرمان گرەف
ءىس- شاراعا ۇلتتىق ەكونوميكا ءمينيسترى قۋاندىق بيشىمبايەۆ، قارجى ءمينيسترى باقىت سۇلتانوۆ، «بايتەرەك» ۇ ب ح» ا ق باسقارما ءتوراعاسى ەربولات دوسايەۆ، «Polpharma» قاداعالاۋ كەڭەسىنىڭ پرەزيدەنتى ەجي ستاراك، رەسەي سبەربانكىنىڭ باسقارما ءتوراعاسى گەرمان گرەف، ExxonMobil Development Company كومپانياسىنىڭ پرەزيدەنتى نەيل دۋففين جانە باسقالارى قاتىستى.
كەزدەسۋگە قاتىسۋشىلار قازاقستانداعى جەكەشەلەندىرۋ باعدارلاماسىن جۇزەگە اسىرۋ بارىسىن، سونداي- اق استانا حالىقارالىق قارجى ورتالىعىن ىسكە قوسقان سوڭ اشىلاتىن جاڭا ينۆەستيتسيالىق مۇمكىندىكتەردى تالقىلادى.
شەتەل كومپانيالارىنىڭ وكىلدەرى ءبىزدىڭ ەلدىڭ ايتارلىقتاي ىسكەرلىك الەۋەتىن ايتىپ ءوتتى. سونىمەن، گ. گرەفتىڭ پىكىرىنشە، «قازاقستان، بالكىم، ينۆەستيتسيا قۇيۋعا ەڭ قولايلى جەر بولىپ تابىلادى».
شەتەلدىك ساراپشىلار قازاقستاندا جەكەشەلەندىرۋ جۇرگىزۋ باستاماسىن قولداپ، حالىقارالىق تاجىريبەنى العا تارتىپ، ونىڭ ەكونوميكالىق جانە الەۋمەتتىك سالالارعا جاعىمدى اسەرىن ايتىپ ءوتتى.
كەزدەسۋ سوڭىندا كارىم ءماسىموۆ ەكونوميكادا جۇرگىزىلىپ جاتقان قۇرىلىمدىق وزگەرىستەر قازاقستانعا جاڭا جاھاندىق سىن- قاتەرلەرگە ءتيىمدى قارسى تۇرۋعا مۇمكىندىك بەرەتىنىن ايتتى.
