قازاقستاندىقتار ازياداعى ەڭ باي قىتايلىق ميللياردەرگە شاپان كيگىزدى
قىتايلىق بيزنەسمەن استانادا ينتەرنەت- كوممەرتسيا، e-commerce، ينفوكوممۋنيكاتسيالىق قىزمەتتەر مەن سەرۆيستەر سالالارىنىڭ، «قازاقتەلەكوم» ا ق وكىلدەرىمەن، ەلىمىزدەگى ەلەكتروندىق كوممەرتسيانى دامىتۋدى زەرتتەۋمەن اينالىساتىن ستۋدەنتتەرمەن كەزدەسۋ وتكىزدى.
دجەك ما قازاقستاندا جاقسى مۇمكىندىكتەر بار بولعانىمەن، ەلەكتروندىق كوممەرتسيا نارىعىنىڭ باياۋ دامىپ جاتقانىن ايتتى. قىتايلىق كاسىپكەردىڭ ايتۋىنشا، ەلىمىز ازياداعى ەلەكتروندىق ساۋدانىڭ ورتالىعى بولا الادى.
«ەلدىڭ بولاشاعى زور. سىزدەردە تاۋ- كەن قازۋ ونەركاسىبى، مۇناي مەن اۋىل شارۋاشىلىعى جاقسى دامىعان، دەگەنمەن قىزمەت كورسەتۋ سالاسى جوق. ونىڭ ىشىندە قىزمەت يندۋسترياسى. وسىدان 20 جىل بۇرىن، ينتەرنەت بولماعان كەزدە وڭدەۋشى سالالاردا ونەركاسىپ ءۇشىن كونۆەيەر، جاقسى ماشينالار، كوپ اقشا كەرەك بولدى. قازىر، ينتەرنەت بار كەزدە مۇنىڭ بارلىعىن ىستەۋ وڭاي. (...) قازاقستان ازياداعى ەلەكتروندىق كوممەرتسيا ورتالىعى بولا الادى»، - دەدى Alibaba Group كومپانياسىنىڭ نەگىزىن قالاۋشى.
"قازاق تەلەكوم" ا ق باسقارما ءتوراعاسى قۋانىشبەك ەسەكەيەۆ شارانىڭ سوڭىندا دجەك ماعا قازاقتىڭ ۇلتتىق شاپانىن سىيلادى. سونىمەن قاتار، ول قازاق حالقى قۇرمەتتى قوناققا وسىنداي قوشەمەت كورسەتەتىنىن ايتتى. دجەك ما ءوز كەزەگىندە كەزدەسۋدى ۇيىمداستىرۋشىلارعا العىس ايتتى.
دجەك ما - Forbes جۋرنالىندا سۋرەتى جاريالانعان قىتايلىق العاشقى كاسىپكەر. كاسىپكەر جاقىندا عانا دجەك ما ازياداعى ەڭ باي ادام اتاندى. ونىڭ بايلىعى 4,3 ميلليارد دوللارعا ءوسىپ، 33,3 ميلليارد دوللاردى قۇرادى.
