ۇندىلىك ازامات ءبىر مينۋتتىڭ ىشىندە ادامداردى قۇشاقتاۋدان الەمدىك رەكورد ورناتتى - كەسكىن

استانا. قازاقپارات - ءۇندىستاننىڭ اندحرا-پرادەش شتاتىنىڭ تۇرعىنى مينۋتىنا 70 ادامدى قۇشاقتاپ، الەمدىك رەكورد ورناتتى.

بۇل تۋرالى Guinness World Records سايتى حابارلادى.

كريشنا كۋمار (Krishna Kumar) الەمدىك رەكورد ورناتۋ ءۇشىن جەرگىلىكتى مەكتەپتىڭ 88 وقۋشىسى كەزەككە تۇرعان. ەر ادام 60 سەكۋندتىڭ ىشىندە 83 ادامدى قۇشاقتاي الدى، الايدا گيننەستىڭ رەكوردتار كىتابىنىڭ وكىلدەرى تەك 79 رەت دەپ ەسەپتەدى. ولار ءوز شەشىمىن قالعان تورتەۋىن قۇشاقتاۋ پالۋاندارشا ۇستاپ الۋعا ۇقساس دەپ ءتۇسىندىردى.

كۋمار گيننەستىڭ رەكوردتار كىتابىنا كىرگەنىن «ادام ءۇشىن جوعارى جەتىستىك» دەپ اتادى.

بۇعان دەيىنگى رەكورد 2014-جىلى اۆستراليادا تىركەلگەن. ونى 60 سەكۋندتىڭ ىشىندە جەرگىلىكتى بالالار اۋرۋحاناسىنداعى 77 ادامدى قۇشاقتاپ ۇلگەرگەن تەلەجۇرگىزۋشى كەرري بيكمور ورناتقان بولاتىن.