قوستاناي وبلىسىندا قاراعايلى ورمان ورتەنىپ جاتىر - فوتو
جالىن قاراعاي ورمانىنىڭ 70 جانە 90- كۆارتالىن شارپىعان. بۇل تۋرالى وبلىستىق ت ج د- نىڭ باسپا ءسوز قىزمەتى مالىمدەدى.
اۋداندىق ورمان شارۋاشىلىعىندا ورىن العان ءورت جايلى اقپارات وبلىس اكىمدىگىنىڭ تابيعات رەسۋرستارى كەزەكشى ديسپەتچەرىنەن 25 - مامىردا 16 ساعات 33 مينۋتتا كەلىپ تۇسكەن. وقيعا ورنىنان ارنايى تەحنيكامەن ءورت سوندىرۋشىلەر كەلدى. اپاتپەن 15 ءورت ءسوندىرۋ كولىگى، 4 تراكتور، ورمان شارۋاشىلىعىنىڭ 70 قىزمەتكەرى، ت ج د جەكە قۇرامىنان 61 ادام كۇرەسۋدە. كومەككە توعىز قىزمەتكەرمەن ءورت ءسوندىرۋ پويىزى، قوستاناي جەرگىلىكتى اتقارۋشى ورگاندارىنان 4 سۋ تاسيتىن كولىك جۇمىلدىرىلدى.
جالىن تۇنگە قاراي وقشاۋلاندى. ءورت شىققان جەردىڭ اينالاسىنا تەحنيكا قويىلىپ، جالىندى اۋىزدىقتاۋ جۇمىستارى جۇرگىزىلۋدە.
جەدەل شتاب مالىمەتىنە سۇيەنسەك، جەرگىلىكتى حالىققا كەلەتىن قاۋىپ جوق. جاقىن ەلدى مەكەن - نوۆونەجينكا اۋىلى ءورت اۋماعىنان بىرنەشە شاقىرىم جەردە ورنالاسقان.
