جىلاي المايتىن جاندار

استانا. قازاقپارات - جاس ادامنىڭ السىزدىگىن كورسەتەدى. بۇل ادامنىڭ ەكىنشى ادامعا دەگەن قارىم-قاتىناسىن كورسەتەدى.

ۇرىسىپ تۇرعان ادامنىڭ الدىندا جىلاي سالۋ كىشكەنتاي كەزدەن قالىپتاساتىن داعدى. العاشىندا قورىققاننان پايدا بولاتىن كوز جاستىڭ پايدالى تۇسى بار.

ول - الدىڭداعى ادامعا قاتتى اسەر ەتۋى مۇمكىن. كەيىن كوز جاسىنىڭ وسى تۇسىن بايقاعان بالا كەيىن «قيت» ەتكەن نارسەگە جىلاپ جىبەرەتىن بولادى. ءتىپتى بالا جىلاپ قورقىتاتىن ءارى ۇلكەندەردى باعىندىراتىن بولادى.

جىلاي المايتىن جاندار

ءيا، جىلاي المايتىن ادامدار دا بولادى ەكەن. كاسسەل ۋنيۆەرسيتەتىنىڭ پروفەسسورى كورد بەنەكە زەرتتەۋ جۇرگىزىپتى. ول جىلاي الاتىن جانە جىلاي المايتىن ادامداردىڭ ايىرماشىلىعىن تابۋ ءۇشىن 120 اشىق تەراپيەۆتيكالىق سۇقبات جۇرگىزگەن. زەرتتەۋ ناتيجەسىندە جىلاي المايتىن ادامدار وزگەرلەردەن زاتتى كۇشتەپ الۋعا بەيىم ەكەندىگى بايقالعان. جىلاپ قالاتىن ادامدارعا قاراعاندا جىلامايتىن ادامدار دۇرىس قارىم-قاتىناس قۇرا المايدى ەكەن. مۇنداي ادامدار كوبىنە اشۋشاڭ، قاتىگەز كەلەدى ەكەن.

جاستىڭ ادامنىڭ اعزاسىنا كەرى اسەرى تۋرالى ەشقانداي زەرتتەۋ جۇرگىزىلمەگەن. جاس جان مەن ءتاندى جاعىمسىز اسەردەن تازارتادى دەگەن اڭىز تاراعان. زەرتتەۋشىلەر ءبىر تاجىريبەدە كوەرەمەندەرگە مۇڭدى فيلم كورسەتكەن ەكەن. زەرتتەۋشىلەر كينوتەاترعا كىرمەس بۇرىن جانە ودان شىققاننان كەيىنگى اسەرىنە كوڭىل اۋدارعان.

جىلاعان كورەرمەندەر وزدەرىنىڭ اسەرىن دە اسەرلى جەتكىزگەن ەكەن. «راحاتتاندىم» دەگەن جاۋاپتار كوپتەپ ەستىلگەن ەكەن. مۇڭدى فيلم كورىپ جىلاپ شىققان ادامدارعا 90 مينۋتتان كەيىن قاراسا، كينونى كورمەس بۇرىنعى كوڭىل-كۇيىنەن دە كوڭىلدى سەزىنگەن ەكەن.

چارلز دارۆين جاستىڭ ادامعا قاجەتى جوق ارتىق دۇنيە دەپ ەسەپتەگەن ەكەن. ناتۋراليستتىڭ قاتەلەسكەنى بەلگىلى. سەبەبى كەي ادامداردىڭ كوز جاسى بىرەۋلەردى تابىستىرادى، سوزبەن جەتكىزە الماعاندى كوز جاسىمەن جەتكىزەدى، اشۋعا بۋلىعىپ، ايقايلاي دا الماي، بار ىزاسىن جاسىمەن شىعارىپ الادى.

سونىمەن كوز جاسىنىڭ نە ءۇشىن جانە ادام اعزاسىندا قالاي پايدا بولعانى ادامزاتقا جۇمباق بولىپ وتىر. وسى ءبىر ساتتە تاعى ءبىر قىزىق سۇراق تۋادى. ادامنىڭ كوز جاسى نەگە ءمولدىر ءارى نەگە سۋ ءتارىزدى؟ قالاي ويلايسىزدار؟

massaget.kz