د. ابايەۆ: سيفرلى ساۋاتتىلىق دەڭگەيى جوعارىلاماسا، اتقارىلىپ جاتقان اۋقىمدى جۇمىستاردىڭ بارلىعى ءتيىمسىز
بۇل تۋرالى بۇگىن استانا ەكونوميكالىق فورۋمى اياسىنداعى «ەلدەر جانە ادامدار اراسىنداعى تسيفرلىق تەڭسىزدىكتى جويۋ» سەسسياسىندا قر اقپارات جانە كوممۋنيكاتسيا ءمينيسترى داۋرەن ابايەۆ ءمالىم ەتتى.
«ءبىز قازىرگى زامانعى كوممۋنيكاتسيا قۇرالدارى ءومىرىمىزدىڭ بارلىق سالالارىن بايلانىستىرىپ وتىرعان اقپاراتتىق تەحنولوگيالار عاسىرىندا ءومىر سۇرۋدەمىز، ياعني ءبىلىم، ەڭبەكپەن قامتۋ، مادەنيەت، قارجى، جاريا ساياسات، جارناما، ساۋدا باعىتتارىنىڭ بارشا ۇدەرىستەرى 21 - عاسىردا ينتەرنەتتىڭ ىقپالىمەن دامىپ كەلەدى. اتاپ ايتقاندا، پوست يندۋستريالدى كەزەڭدە سيفرلى تەڭسىزدىك الەۋمەتتىك جانە ەكونوميكالىق تەڭسىزدىكتى تۋدىرادى. سوندىقتان دا ادامدار اراسىنداعى سيفرلى الشاقتىقتى ەڭسەرۋ ماقساتى - ول ءوزىنىڭ اۋقىمى بويىنشا كەدەيلىكتى ەڭسەرۋمەن سالىستىرمالى دەپ ايتسام اسىرەلەۋ بولماس. بۇل پروبلەما جاھاندىق مانگە يە جانە وزەكتىلىكتىڭ ءتۇرلى دارەجەسىمەن ءاربىر ەلدە بار»، - دەدى مينيستر.
ونىڭ سوزىنە قاراعاندا، قازاقستاندىق قوعامدا تسيفرلى ءبولىنۋدىڭ ەكى سالاسى بار، ياعني بىرەۋى - بۋىندىق، ال ەكىنشىسى - اۋماقتىق. وسى رەتتە جاستار جەلىلەرگە بەلسەندىرەك مويىن بۇرىپ، قازىرگى زامانعى تەحنولوگيالاردى جىلدام يگەردى. سوندىقتان قازاقستاندا ينتەرنەت پايدالانۋشىلاردىڭ باسىم بولىگىن 40 جاسقا دەيىنگى ادامدار قۇراپ وتىر.
«قازاقستاندا سيفرلى تەڭسىزدىكتىڭ ەكىنشى اسپەكتىسىنە توقتالاتىن بولساق، اۋىلدىق جەرلەردە ساندىق قىزمەتتەرگە قولجەتىمدىلىك قالامەن سالىستىرعاندا تومەنىرەك. ەگەر دە اۋىل تۇرعىندارى ەلىمىز حالقىنىڭ جارتىسىنان ءسال عانا از ەكەنىن ەسكەرسەك، وندا پروبلەمانىڭ اۋقىمى كۇردەلى»، - دەدى د. ابايەۆ.
سونىمەن قاتار مينيستر ەلىمىزدە اقپاراتتاندىرۋ باعىتىندا مەملەكەتتىك ساياسات ءجۇرىپ جاتقاندىعىن، ول ءوز كەزەگىندە ساندىق الشاقتىقتى ەڭسەرۋدە ەلەۋلى جەتىستىكتەرگە مۇمكىندىك بەرگەنىن اتاپ ءوتتى. بۇگىندە قازاقستاندا ينتەرنەت جەلىسىنە كەڭ جولاقتى قولجەتىمدىلىككە حالىقتىڭ 72 پايىزى قامتاماسىز ەتىلدى. قازىرگى كەزدە حالىقتىڭ تسيفرلى ساۋاتتىلىق دەڭگەيى 74 پايىزدى قۇراپ وتىر.
بۇل تۇرعىدا ۆەدومستۆو باسشىسى سيفرلى ساۋاتتىلىق دەڭگەيى جوعارىلاماسا، وندا اتقارىلىپ جاتقان اۋقىمدى جۇمىستاردىڭ بارلىعى ءتيىمسىز ەكەنىن اتاپ ءوتتى.
اۆتور: رۋسلان عابباسوۆ
