10:55, 26 - مامىر 2016 | GMT +5
الەمدەگى ەڭ جىلدام تىكۇشاق پاتەنتتەلدى - كەسكىن
استانا. قازاقپارات - Airbus كومپانياسى الەمدەگى ەڭ جىلدام ۇشاتىن تىكۇشاققا پاتەنت الدى.
اۋە كەمەسىندە نەگىزگى تىكۇشاققا ءتان ەبەلەككە قوسىمشا ارتقا قاراي باعىتتالعان ەكى پروپەللەر قاراستىرىلدى.
قوسىمشا پروپەللەردى 2270 اتتىڭ كۇشى بار Rolls Royce Turbomeca RTM322 قوزعالتقىشى اينالدىرادى.
«گيپەركوپتەر» قازىرگى كەزدە Airbus جاساپ جاتقان Eurocopter X3 تىكۇشاعى جوباسىنىڭ جالعاسى بولۋى ابدەن ىقتيمال. جاريالانعان قۇجاتتارعا سايكەس، جاڭا تىكۇشاقتىڭ ۇشۋ جىلدامدىعى ساعاتىنا شامامەن 470 شاقىرىم.
قازىرگى كەزدە الەمدەگى ەڭ جىلدام تىكۇشاقتار - Boeing CH-47 Chinook (ساعاتىنا 315 شاقىرىمعا دەيىن) جانە مي-24 (ساعاتىنا 370 شاقىرىم). Eurocopter X3 2013-جىلى ساعاتىنا 487 شاقىرىمعا دەيىنگى جىلدامدىققا جەتە الدى.
