00:04, 26 - مامىر 2016 | GMT +5
قاراعاندىدا كۇي فەستيۆالى ءوتتى
قاراعاندى. قازاقپارات - قاراعاندىدا العاش رەت كۇي فەستيۆالى ءوتتى.
شارا قازاقستان تاۋەلسىزدىگىنىڭ 25 جىلدىعى مەن قوعام قايراتكەرى ءاليحان بوكەيحانوۆتىڭ 150 جىلدىعىنا ارنالدى.
مادەني شارا حالىقتىق ونەرگە تابىنۋشىلاردىڭ باسىن قوستى. قازاقتىڭ بەلگىلى كۇيشى- كومپوزيتورلارى تاتتىمبەت، قۇرمانعازى، اققىز شىعارمالارى ورىندالدى.
«جەتى جاستان دومبىرانىڭ قۇلاعىندا وينايمىن. قازىر «جاس وركەن» انسامبلىنىڭ قۇرامىندا جۇمىس ىستەيمىن. رەپەرتۋارىمدا شامامەن 30 كۇي بار. الداعى ۋاقىتتا ونىڭ سانى ارتادى دەپ ويلايمىن»، - دەدى جاس كۇيشى، كوپتەگەن رەسپۋبليكالىق جانە حالىقارالىق بايقاۋلاردىڭ قاتىسۋشىسى ديانا ابەۋوۆا.
فەستيۆال ۇيىمداستىرۋشىلارى اتالعان شارانى يگى داستۇرگە اينالدىرۋدى جوسپارلاپ وتىر.
