ليۆيا جاعالاۋىندا كەمە اۋدارىلىپ، جەتى ادام قازا تاپتى

استانا. قازاقپارات - ليۆيا جاعالاۋىندا ميگرانتتار مىنگەن كەمەنىڭ اۋدارىلۋى سالدارىنان ەڭ كەمى جەتى ادام اجال قۇشتى، دەپ حابارلادى bbc.

شامامەن 500 ادام قۇتقارىلدى. قۇتقارۋ شاراسى جالعاسىپ جاتىر، قازا تاپقانداردىڭ سانى ۇلعايۋى مۇمكىن.

باتىپ بارا جاتقان كەمەنى ءبىرىنشى بولىپ يتالياندىق پاترۋلدىك "بەتتيكا" كاتەرى بايقاپ قالعان.

ب ۇ ۇ بوسقىندار ءىسى بويىنشا جوعارعى كوميسسار باسقارماسىنىڭ اقپاراتىنشا، اعىمداعى جىلدىڭ باسىنان جەرورتا تەڭىزىندە شامامەن 40 مىڭ ميگرانت قۇتقارىلدى. وسى اپتانىڭ باسىنان 5600 عا جۋىق ادام قۇتقارىلدى.

وسىعان دەيىن ب ۇ ۇ حابارلاعانداي، اعىمداعى جىلى شامامەن 180 مىڭ ادام تەڭىز ارقىلى ەۋروپاعا جەتپەك بولعان. سولاردىڭ شامامەن 800 ى جولدا اجال قۇشتى.