نازاربايەۆ زياتكەرلىك مەكتەبىنىڭ تۇلەگى الەمگە تانىمال پرينستون ۋنيۆەرسيتەتىنىڭ گرانتىن ۇتىپ الدى

استانا. قازاقپارات - ق ر ءبىلىم جانە عىلىم مينيسترلىگىنىڭ باسپا ءسوز قىزمەتى حابارلايدى. قاراعاندى قالاسىنداعى حيميا- بيولوگيا باعىتىنداعى نازاربايەۆ زياتكەرلىك مەكتەبىنىڭ تۇلەگى احمەتجانوۆا ايجان پرينستون ۋنيۆەرسيتەتىندە (Princeton University) تەگىن وقۋعا مۇمكىندىك بەرەتىن تولىق گرانتتىڭ يەگەرى اتاندى.

ايجاننىڭ تانداعان ماماندىعى -  Civil Engineering. گرانت الۋدىڭ نەگىزگى تالاپتارى بويىنشا حالىقارالىق ەمتيحاندار جوعارى كورسەتكىشتەرى بولاتىن. سونىمەن ءبىزدىڭ وقۋشىمىز SAT Reasoning -  2140/2400، Physics, Maths, Chemistry -  800/800. TOEFL PBT -657/677, IELTS 8.5/9.0 سىناقتارىنان وتە جوعارى كورسەتكىشتەرىنە قول جەتكىزگەن. ايجاننىڭ ايتۋىنشا، ا ق ش- تا وقۋ ونىڭ بالالىق ارمانى بولعان، ال وعان قول جەتكىزۋگە نازاربايەۆ زياتكەرلىك مەكتەبىندە وقۋ سەبەپ بولعان. وسىنداي مەكتەپتە وقىپ، ول الەمدىك دەڭگەيدە تانىمال ۋنيۆەرسيتەتتەرىنىڭ ءبىرى بولىپ سانالاتىن پرينستون ۋنيۆەرسيتەتىنىڭ ستۋدەنتى اتاندى.