قازاقستاندىق «حابار» تەلەارناسى سپورت جانكۇيەرلەرىنە بوكس كەشىن ۇسىنعالى وتىر
بۇكىل الەمدىك بوكس سەرياسىنداعى (WSB) جارتىلاي فينالدىق كەزدەسۋ ەكى كۇنگە جوسپارلانعانى بەلگىلى. «استانا ارلاندارى» لوندوندا «بريتيش لاينحارتس» (British Lionhearts) كومانداسىنا قارسى وتكىزەتىن باسەكەنى «حابار» تەلەارناسى تىكەلەي ەفيردە كورسەتەدى. بۇل كەزدەسۋلەر س1 جانە س2 سالماق دارەجەلەرىندە وتكىزىلەدى.
العاشقى كۇنگى بوكس كەشى ەرتەڭ، 26 -مامىردا، استانا ۋاقىتىمەن 01:00 دە باستالادى. ال 27 -مامىر كۇنى س2 سالماق دارەجەسىندەگى بوكسشىلاردىڭ تارتىستى باسەكەسىن ەل تۇرعىندارى تاعى دا 01:00 ساعاتتان باستاپ كورۋ مۇمكىندىگىنە يە بولماق.
بۇعان دەيىن حابارلاعانىنداي، «Astana Arlans» - «British Lionhearts» اراسىندا ەكى كۇندىك كەزدەسۋدە ونەر كورسەتەتىن قازاقستاندىق بوكسشىلاردىڭ ءتىزىمى جاريالاندى:
«Astana Arlans» قۇرامى:
س1
49 ك گ: جومارت ەرجان
56 ك گ: نۇرسۇلتان كوشەعۇلوۆ
64 ك گ: سامات باشەنوۆ
75 ك گ: مەيىرىم نۇرسۇلتانوۆ
91 ك گ: مۇحامەدجان ەركىن
س2
52 ك گ: ازامات يساقۇلوۆ
60 ك گ: زاكىر سافيۋللين
69 ك گ: اسلانبەك شىمبەرگەنوۆ
81 ك گ: نۇرداۋلەت جارمانوۆ
+91 ك گ: قامشىبەك قوڭقابايەۆ.
«استانا ارلاندارى» كومانداسىن تارتىستى باسەكەلەر كۇتىپ تۇر. سپورت سۇيەر قاۋىم قازاقستاننىڭ بىلعارى قولعاپ شەبەرلەرى مىقتى ەكەندىكتەرىن تاعى دا ءبىر دالەلدەيدى دەگەن سەنىمدە.
اۆتور: ايدىن بايمەن
