قازاقستاندا «ءدىن لاڭكەستىككە قارسى» حالىقارالىق كونفەرەنسياسىنا دايىندىق اياقتالىپ كەلەدى - فوتو

استانا. قازاقپارات - ق ر پارلامەنتى سەناتىنىڭ ءتوراعاسى، الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى قاسىم-جومارت توقايەۆ استانادا وسى جىلى 31 -مامىردا وتەتىن «ءدىن لاڭكەستىككە قارسى» حالىقارالىق كونفەرەنسياسىنا دايىندىق جانە ونى وتكىزۋ بويىنشا جۇمىس كەڭەسىن وتكىزدى.

قازىرگى كەزدەگى ەڭ قاۋىپتى سىن- قاتەرلەردىڭ ءبىرى رەتىندە لاڭكەستىككە قارسى ءىس- قيمىل ماسەلەلەرىن تالقىلاۋعا پارلامەنتشىلەر، ءدىن قايراتكەرلەرى، حالىقارالىق ۇيىمدار باسشىلارى مەن ديپلوماتتار، وتاندىق جانە شەتەلدىك ساراپشىلار قاتىسادى. فورۋم جۇمىسىنا الەمنىڭ 41 ەلىنەن 63 دەلەگاتسيا قاتىسادى دەپ كۇتىلۋدە، دەپ حابارلادى سەناتتىڭ باسپا ءسوز قىزمەتىنەن.

 ماجىلىستە سونداي- اق 1 -ماۋسىمعا بەلگىلەنگەن الەمدىك جانە ءداستۇرلى دىندەر كوشباسشىلارى سەزى حاتشلىعىنىڭ وتىرىسىنا دايىندىق بارىسى قارالدى.

كۇن ءتارتىبى بويىنشا سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى يكرام ادىربەكوۆ، سىرتقى ىستەر ءمينيسترىنىڭ ورىنباسارى ەرجان اشىقبايەۆ، مادەنيەت جانە سپورت ۆيتسە- ءمينيسترى مارات ءازىلحانوۆ حابارلامالار جاسادى.