بەكبولات تىلەۋحان: سولتۇستىكتەگى شۇرايلى جەرلەرگە وڭتۇستىك حالقىن كوشىرۋ كەرەك
جەر رەفورماسى جونىندەگى رەسپۋبليكالىق كوميسسيانىڭ قۇقىقتىق جانە اقپاراتتىق- ءتۇسىندىرۋ باعىتىنداعى جۇمىس توبىنىڭ العاشقى وتىرىسىندا ءماجىلىس دەپۋتاتى، اتالعان كوميسسيا مۇشەسى بەكبولات تىلەۋحان وسى ماسەلەنى كوتەردى.
دەپۋتاتتىڭ پايىمىنشا، سولتۇستىكتە بوس جاتقان شۇرايلى جەرلەرگە وڭتۇستىك وڭىردەگى تىعىز ورنالاسقان حالىقتى كوشىرۋ كەرەك. بۇل شارا ەلىمىزدەگى جۇمىسسىزدىق ماسەلەسىن، ەكونوميكا ماسەلەسىن عانا ەمەس، دەموگرافيانىڭ ماسەلەسىن شەشۋگە دە وڭ سەپتىگىن تيگىزەدى.
«سونىمەن قاتار، قازاقستانداعى اۋىل شارۋاشىلىعى جەرلەرىن تۇگەلدەي پاسپورتتاپ، تۇگەندەۋ جۇرگىزۋ كەرەك. جەرگە قاتىستى مالىمەتتەردى جيناقتاستىرىپ، اقپاراتتاردى ورتالىقتاندىراتىن كەز كەلدى. اگروفيرمالاردى، اۋىل شارۋاشىلىعى بانكىن قۇرعانىمىز ابزال. سونىمەن بىرگە، ەلدىڭ كوكەيىندەگى تاعى ءبىر ءتۇيىن جەردى بانككە كەپىلگە قويىپ نەسيە الۋدى قايتا قاراستىرۋ كەرەك. ويتكەنى، جەر بانككە وتسە، بانكتەر تاۋارعا اينالدىرادى»، - دەدى ب. تىلەۋحان.
اۆتور: قانات مامەتقازى ۇلى
