ق ر مادەنيەت جانە سپورت ۆيتسە- ءمينيسترى ا. مۇحامەدي ۇلىنىڭ پىكىرىنىڭ جاڭىلىس قابىلدانۋىنا قاتىستى تۇسىنىك بەردى
«بيىل 23 - مامىردا «قازاقستان» و ك ز- دا ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ 2015 -جىلعى مينيسترلىك قىزمەتىنىڭ ناتيجەلەرى بويىنشا حالىقپەن ەسەپتى كەزدەسۋى ءوتتى.
كەزدەسۋ بارىسىندا مينيستر مينيسترلىك قىزمەتىنە قاتىستى، اتاپ ايتقاندا، سۇيىكتى جازۋشىسى شىڭعىس ايتماتوۆتىڭ تۆورچەستۆوسىنا قاتىستى ءبىرقاتار سۇراقتارعا جاۋاپ بەردى.
ءبىرقاتار ب ا ق مينيسترگە سىلتەمە جاساي وتىرىپ، ونىڭ ءسوزىنىڭ تەك ەكى تۇسىن عانا قىسقارتىپ بەرگەن.
الايدا ءمينيستردىڭ ءسوزى باسقاشا قابىلدانىپ، ب ا ق- تا ءتۇرلى پىكىرلەردىڭ تۋىنداۋىنا الىپ كەلدى. شىندىعىندا مينيستر شىڭعىس ايتماتوۆتىڭ فيلوسوفياسىن مىسالعا الا وتىرىپ، باۋىرلاس حالىقتارىمىزدىڭ تاريحى، ءدىنى، ءداستۇرى، مادەنيەتىنىڭ ورتاقتىعى ءبىر- بىرىمىزدەن ۇيرەنەرىمىزدىڭ بار ەكەنىن كورسەتەتىنىن ايتىپ ءوتتى.
«ءبىز تولومۋش وكەيەۆ، سۋيمەنكۋل چوكموروۆ سياقتى دارىنداردى دۇنيەگە اكەلگەن جارقىن دا كەلەلى تاريحى، مادەنيەتى بار قىرعىز حالقىنىڭ بولاشاعىنىڭ كەمەل بولارىنا، ەكونوميكالىق جەتىستىكتەرگە جەتەرىنە سەنەمىز.
ءبىز، قازاقستاندىقتار مەن قىرعىزستاندىقتار، ويشىلدارىمىزدىڭ ايتقانىن جادىمىزدا ۇستاپ، ەۆوليۋتسيالىق دامۋ جولىندا بىرگە العا جىلجۋىمىز قاجەت.
مينيستر ارىستانبەك مۇحامەدي ۇلى قىرعىز حالقىنا ەرەكشە قۇرمەتپەن قارايتىنىن، ونىڭ ەشكىمدى رەنجىتۋگە نيەتى جوق ەكەنىن تاعى ءبىر مارتە مالىمدەيمىز.
مينيستر ايتىلعان ءسوزىنىڭ دۇرىس قابىلدانباعانى ءۇشىن شىن جۇرەكتەن كەشىرىم سۇرايدى»، - دەلىنگەن ۆيتسە- ءمينيستردىڭ حاتىندا.
ەستەرىڭىزگە سالا كەتەيىك، 24- مامىر كۇنى قىرعىزستاننىڭ سىرتقى ىستەر مينيسترلىگى وسى ەلدەگى قازاقستان ەلشىلىگىنىڭ كەڭەسشى- ۋاكىلى ەربول احمەتوۆتى شاقىرىپ الدى.
مينيسترلىكتىڭ حابارلاۋىنشا، كەزدەسۋ كەزىندە قازاقستاندىق ديپلوماتقا نارازىلىق نوتاسى تاپسىرىلعان. بۇل تۋرالى «ازاتتىق» حابارلايدى.
قىرعىزستاننىڭ سىرتقى ىستەر مينيسترلىگى قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلىنىڭ 23 - مامىر كۇنى استانادا ايتقان كەيبىر مالىمدەمەسىنە نارازى.
مۇحامەدي ۇلى جۇرتشىلىققا ەسەپ بەرۋ كەزىندە «قىرعىزستانداعى جۇمىسسىزدىق كەسىرىنەن جاس قىرعىز قىزدار ماسكەۋدەگى قوعامدىق دارەتحانالاردا قارا جۇمىس ىستەۋگە ءماجبۇر» دەگەن مازمۇندى مالىمدەمە جاساعان.
بىشكەك قازاقستاندىق ءمينيستردىڭ ءسوزى دورەكى بولىپ شىققانىن، ەكى ەلدىڭ اراسىنداعى وداقتاس سيپاتتى قارىم- قاتىناسقا سايكەس كەلمەيتىنىن ەسكەرتەدى.
قىرعىزستاننىڭ سىرتقى ىستەر مينيسترلىگى ۆەب سايتىنا جاريالاعان ارنايى مالىمدەمەسىندە سوڭعى ۋاقىتتا قازاقستاننىڭ مەملەكەتتىك تەلەارنالارىنان كورشى مەملەكەت تۋرالى تەرىس، ءبىرجاقتى اقپارات تاراتۋ جيىلەدى دەپ سانايدى.
