09:36, 25 - مامىر 2016 | GMT +5
سەمەيدە «ايگەرىم» كوركەم فيلمىنىڭ تۇساۋكەسەرى ءوتتى
استانا. قازاقپارات - سەمەيدە اتوم جوباسى اياسىندا مۇگەدەك جاننىڭ تاعدىرىنا ارنالعان «ايگەرىم» كوركەم فيلمىنىڭ تۇساۋكەسەرى ءوتتى، دەپ جازادى وبلىستىق «ديدار» گازەتى.
«جاس ۇلان» كينوستۋدياسىندا تۇسىرىلگەن بۇل فيلمىنىڭ تاربيەلىك ءمانى زور، ادامداردىڭ ءبىر-بىرىنە قامقور بولۋىن جانە قوعامىمىزداعى مۇگەدەك جاندارعا قارايلاسۋعا ۇيرەتەدى»، - دەدى تۇساۋكەسەر وتكەن 3№ مەكتەپ ديرەكتورى نۇرجان احمەتقاليەۆ.
فيلم قازاقستان حالقى اسسامبلەياسىنىڭ تاپسىرىسى بويىنشا تۇسىرىلگەن. رەجيسسەرى - ەركىن راقىشيەۆ. فيلم جاستايىنان كوزى كورمەي قالعان ايگەرىم دەگەن قىزدىڭ اۋىر تاعدىرىنا قۇرىلعان. ايگەرىم ەسەيگەن شاعىندا تىگىنشى بولىپ جۇمىسقا ورنالاسادى. بىردە ول قول ارباعا تاڭىلعان ەرلان ەسىمدى جىگىتپەن تانىسادى.
ايتا كەتۋ كەرەك، بۇل فيلمنىڭ سەناريشىسىنىڭ ءبىرى - سەمەيلىك جاس قالامگەر، مۇگەدەك جان نۇركەن بەكتاس.
