قازاقستاننىڭ جالپى وقۋ باعدارلاماسىنا «زايىرلىلىق جانە ءدىن تانۋ نەگىزدەرى» كۋرسى ەنەدى
بۇل تۋرالى ۆەدومستۆونىڭ باسپا ءسوز قىزمەتى حابارلادى.
مەملەكەتتىك- كونفەسسيالىق جانە كونفەسسيا ارالىق قاتىناستاردىڭ ۇيلەسىمدىلىگى سالاسىنداعى مىندەتتەردى شەشۋ اياسىندا مادەنيەت جانە سپورت مينيسترلىگى ءدىن سالاسىن رەتتەيتىن قولدانىستاعى زاڭنامانى ەلىمىزدىڭ بارلىق ازاماتتارى مۇلتىكسىز ساقتاۋىن قامتاماسىز ەتەدى. وسىعان وراي حالىق اراسىندا اقپاراتتىق- ءتۇسىندىرۋ جۇمىستارى ۇيىمداستىرىلىپ، «E-Islam» اقپاراتتىق- اعارتۋشىلىق ينتەرنەت- پورتالى جۇمىس ىستەيدى.
ءدىندار ازاماتتاردىڭ بەلگىلى ءبىر ساناتىنىڭ، سونىڭ ىشىندە ءدىني ەكسترەميزم مەن تەرروريزم ءۇشىن سوتتالعان ادامدار اراسىندا كوزقاراستارىن دەراديكاليزاتسيالاۋ جونىندە كەشەندى جۇمىس جۇرگىزىلەدى. بۇل جۇمىس «اق نيەت» وڭالتۋ ورتالىعى ارقىلى دا ىسكە اسىرىلادى.
«دەسترۋكتيۆتى ءدىني اعىمداردان جاپا شەككەندەرگە كومەك كورسەتۋ بويىنشا تاۋلىك بويى جۇمىس ىستەيتىن «قاۋىرت جەلى - 114» اقپاراتتىق- كونسۋلتاتيۆتى ورتالىقتىڭ جۇمىسى ۇيىمداستىرىلدى»، - دەپ حابارلادى مينيستر.
سونىمەن قاتار ا. مۇحامەدي ۇلىنىڭ اقپاراتى بويىنشا، ءبىلىم جانە عىلىم مينيسترلىگىمەن بىرلەسە وتىرىپ، «زايىرلىلىق جانە ءدىن تانۋ نەگىزدەرى» مىندەتتى فاكۋلتاتيۆتىك كۋرستىڭ ۇلگىلىك وقۋ باعدارلاماسى ازىرلەندى، اتالعان باعدارلاما 2016-2017 -جىلداردان باستاپ بارلىق جالپى ءبىلىم بەرەتىن مەكەمەلەردە ەنگىزىلەتىن بولادى.
