جولاۋشىلار ۇشاعى ۇشقىشسىز باسقارىلاتىن ۇشاققا سوعىلىپ قالا جازدادى

استانا. قازاقپارات - فرانكفۋرتتان بيلباوعا باعىت العان گەرمانيانىڭ Lufthansa كومپانياسىنا تيەسىلى Airobus A320 جولاۋشىلار ۇشاعى قونۋعا جاقىنداعاندا ءۇش پيلوتسىز باسقارىلاتىن ۇشاقپەن سوقتىعىسىپ قالا جازدادى، دەپ حابارلادى izvestia.ru.

يسپانيالىق El País باسىلىمىنىڭ حابارلاۋىنشا، وقيعا وتكەن سەنبى كۇنى بولعان، الايدا ول تۋرالى ەندى عانا جاريا بولا باستادى. سەبەبى، يسپانيا پوليتسياسى درونداردىڭ يەسىن ىزدەۋدى كۇشەيتكەن.

«اۋە كەمەسىنىڭ ۇشقىشتارى پيلوتسىز باسقارىلاتىن ۇشاقتى 900 مەتر بيىكتەن بايقاعان. وسى ۋاقىتتا سوعىلماۋ امالىن قولدانعاندىقتان ۇشاقتىڭ قونۋى قيىندادى. بورتتا بارلىعى 168 جولاۋشى كەلە جاتقان»، دەلىنگەن دەرەككوزى تاراتقان اقپاراتتا.

درونداردىڭ يەسىن تابۋ ءۇشىن پوليتسيا تىكۇشاعى شىعارىلعانىمەن، ولار تابىلمادى. ەگەر ونىڭ يەسى انىقتالعان جاعدايدا، وعان 250 مىڭ ەۋرو كولەمىندە ايىپپۇل سالىنادى.

ايتا كەتۋ كەرەك، يسپانيا زاڭدارىندا درونداردى ەلدى مەكەندى جەرلەردە 120 مەتر بيىكتىكتە ۇشىرۋعا تىيىم سالىنعان.